Այն, ինչ արդեն գրեթե ոչ մի տեղ չի կարելի, Ավստրիայում կարելի է․․․
Ավստրիայի խորհրդարանում որոշումն ընդունելիս մեծ աղմուկ է բարձրացել։ Նախկին առողջապահության նախարար Պամելա Ռենդի Վագները հայտարարել է, որ ներկայումս աշխարհում չկա մի երկիր, որտեղ հետ քայլ անեն չծխողների պաշտպանության հարցում։ Այդպիսով, Ավստրիան կարող է դառնալ «Եվրոպայի մոխրամանը»․ հավելել է նա։
Սակայն խորհրդարանը հավանության է արժանացրել օրինագծի երկու այլ կետ։ 2019 թվականից ծխախոտ կարող են գնել միայն 18 տարին լրացած անձինք։ Նախկինում սահամնափակումը մինչև 16 տարեկաններին էր վերաբերում։
Երկրորդ կետով արգելվել է ծխել հասարակական տրանսպորտում, որտեղ ներկա են երեխաներ և մինչև 19 տարեկան դեռահասներ։ Օրինախախտներին սպառնում է 100 եվրոյի չափով տուգանք, խախտումը կրկնելու դեպքում՝ մինչև 1 000 եվրո։
Հավելենք, որ հասարակական սննդի հաստատություններում ծխելն արգելելու նորարարությունը ժամանակին արել է Իռլանդիան, երբ 2004 թվականին ընդունել է նման օրենք։ Ավելի ուշ նրա օրինակին սկսեցին հետևել Եվրոպայի երկրների մեծ մասը։ Ի դեպ, կանաչ կղզին որոշել է ևս մեկ քայլ առաջ գնալ․ 2025 թվականին ամբողջ Իռլանդիան պետք է մնա լիովին առանց ծխախոտի։
Նյութի աղբյուրը՝ travelnews.am
