Բժիշկները նշել են այն դեղամիջոցները, որոնք հարկավոր է վերցնել ճամփորդելիս
Ճանապարհորդությունների ընթացքում մարդը կարող է բախվել առողջական ամենատարբեր խնդիրների, ուստի պետք է նախապես պատրաստ լինի և կարողանա հնարավորինս արագ ազատվել դրանցից: Լուրջ անախորժություններից խուսափելու համար հարկավոր է նախապես պատրաստել ամենաանհրաժեշտ դեղամիջոցներն ու մշտապես պահել դրանք ձեռքի տակ:
Մասնագետները նշել են այն դեղամիջոցների ցանկը, որոնք հարկավոր է վերցնել ճանապարհորդության մեկնելիս: Այս միջոցները չեն առաջացնի խնդիրներ մաքսակետում և կօգնեն հեշտությամբ հաղթահարել անկանխատեսելի առողջական խնդիրները:
Բժիշկների խոսքով՝ առաջին հերթին հարկավոր է հաշվի առնել քրոնիկ հիվանդությունների առկայությունն ու վերցնել նշանակված դեղամիջոցները: Ընդ որում, դրանք հարկավոր է վերցնել նորմայից շատ՝ անկանխատեսելի իրավիճաներում խնդիրներից խուսափելու համար:
Մաքսակետում խնդիրներից խուսափելու համար խորհուրդ չի տրվում վերցնել հակաբիոտիկներ, ինչպես նաև դեղամիջոցներ, որոնց բաղադրության մեջ կան թմրանյութեր: Հարկ է հիշել, որ արգելված դեղամիջոցների ցանկը տարբեր երկրներում տարբեր է լինում, ուստի անախորժություններից խուսափելու համար խորհուրդ է տրվում նախապես ուսումնասիրել այն:
Նյութի աղբյուրը՝ tert.am