Բուսական թուրմեր, որոնք կարելի է օգտագործել սրտային թուլության դեպքում
Կատվախոտի արմատները, թուրինջ խոտի տերևները, հազարատերևուկ խոտաբույսը` 10-ական գրամ, անիսոնի արմատները 20 գ, փոշիացնել, խառնել միմյանց: 1 ճաշի գդալ բուսահումքի վրա լցնել 1 բաժակ եռացրած ջուր, թրմել 1-2 ժամ: Քամել, խմել օրվա ընթացքում մաս-մաս:
Առյուծագի խոտաբույսը`20 գրամ, կատվախոտի արմատները, նարդոսի ծաղիկները, քեմոնի և հոռոմ-սամիթի պտուղները 10-ական գրամ, փոշիացնել, խառնել միմյանց: Ստացված բուսահումքից վերցնել 1 ճաշի գդալ, վրան լցնել 1 բաժակ եռացրած ջուր, թրմել 1-2 ժամ, քամել: Խմել մեկ օրվա ընթացքում 3 անգամից:
Նարդոս -Lаванда–Բուժիչ նպատակներով օգտագործում են ծաղիկը, տերևը, ցողունը։ Հումքը մթերում են ծաղկման շրջանում, հյուսում ցողունները և չորացնում։ Ծաղիկներն ավելի մեծ քանակությամբ եթերային յուղ են պարունակում, դրանք կարելի է օգտագործել ծաղկելուց 7-10 օր անց։ Թարմ ծաղիկը պարունակում է` մինչև 1, իսկ չորը` 3 տոկոս եթերային յուղեր, նաև դաբաղանյութ, ֆլավոններ, ֆիտոստերոլներ, խեժեր, դառնանյութ, ուրսոլաթթու։ Բացի եթերային յուղից` բույսից ստանում են նաև կումարին և գերնիարին։ Նարդոսի յուղը կիրառվում է թարախային վերքերի, մաշկային հիվանդությունների, նևրալգիայի բուժման համար։Ունի միզամուղ և մաղձը հեղուկացնող հատկություն։ Ծաղիկի թուրմը լավացնում է գլխուղեղի արյան շրջանառությունը։ Բուլղարները նարդոսի յուղով բուժում են պնևմոնիան, ռինիտը, լարինգիտը, կիրառում են ստոմատոլոգիայում։ Լայն կիրառություն ունի նաև նարդոսի մեղրը` նվազեցնում է գլխացավը, կիրառում են միգրենի, տախիկարդիայի, ականջի բորբոքման և աղմուկի բուժման ընթացքում, նվազեցնում է ոսկորների ցավը։Արոմաթերապիայում օգտագործվում է որպես աշխատունակությունը բարձրացնող, հոգնածությունը նվազեցնող, նյարդային և սիրտ-անոթային համակարգերի աշխատանքը կարգավորող միջոց։ Բույսի պատրաստուկները լավացնում են ախորժակը, հանգստացնում որովայնի ցավերը, նյարդային լարվածությունը, որոշ դեպքերում` բուժում անքնությունից։
Առավոտյան կատվախոտի մանրացրած արմատներից 1 թեյի գդալ լցնել մեկ բաժակ ջրի մեջ,պահել 10-12 ժամ, երեկոյան եփել, քամել, խմել քնելուց առաջ, կումերով: Խորհուրդ է տրվում խմել նյարդային սրտխփոցի դեպքում:
Կուժկոտրուկ-6-8 գրամ փոշիացրած բուսահումքի վրա լցնել 200 գրամ եռացրած ջուր, թրմել, քամել: Խմել օրվա ընթացքում: Խորհուրդ թ տրվում խմել սրտի անբավարարության դեպքում:
Կուժկոտրուկ-ադոնիս-ամանկոտրուկ-Պտուղը կնճռոտ բազմընկուզիկ է: Դեղաբույս է. պարունակում է գլիկոզիդներ, ադոնիդ, կումարին, ներկանյութ (արմատները) և այլն: Պատրաստուկներն օգտագործում են սիրտանոթային անբավարարության ժամանակ:
Բոլոր բուժական բուսամիջոցներից օգտվելուց առաջ խորհրդակցեք Ձեր բժշկի հետ:
Ապրեք առողջ