Գլխամաշկի թեփի առաջացման պատճառներն ու բուժումը
Թեփն այն հիվանդությունն է, որն ազդում է մեր արտաքին տեսքի վրա:Գլխամաշկի վրա առաջացած այդ սպիտակ թեփուկները մարդու մոտ առաջացնում են անհարամարավետություն և անվստահություն:
Երբ խանգարվում է գլխամաշկի ճարպաբաժանման ֆունկցիան, առաջանում է մեզ հայտնի թեփը: Շատերը թեփի առկայությանը ուշադրություն չեն դարձնում` անտեսելով այն, քանի որ առաջին հայացքից կարծում են, թե անվնաս է, մինչդեռ այն կարող է հանգեցնել գլխի մաշկի հիվանդությունների, ընդհուպ մինչև մազերի կորստի, մազաթափության:
Գոյություն ունեն թեփի 3 տեսակներ.
Չոր թեփ.- Առաջանում է այն մարդկանց մոտ ովքեր ունեն շատ չոր գլխամաշկ:
Յուղոտ թեփ. -Առաջացման պատճառ կարող են լինել մաշկի յուղոտությունը և կարող է ուղեկցվել ուժեղ քորով:
Խառը թեփ.- Երբ առաջանում է թե յուղոտ և թե չոր թեփ:
Թեփը համարվում է սեբորիա այն դեպքում, երբ խանգարվում է ճարպային գեղձերի նորմալ աշխատանքը (սեբորեան ճարպային գեղձերի գործընթացի խանգարումն է): Միաժամանակ փոխվում է այդ գեղձերի արտազատման արագությունը, ինչպես նաև՝ մաշկի ճարպի բնույթը:
Սեբորիան կարող է լինել ճարպային (թանձր և նոսր), չոր և խառը: Սեբորիայի առաջացման ստույգ պատճառը հայտնի չէ, բայց կան երևույթներ, որոնք միանշանակ նպաստում են դրա զարգացմանը:
Օրգանիզմի ֆոլեկուլային խանգարման պատճառ կարող են հանդիսանալ մի շարք գործոններ, որոնք էլ կառաջացնեն թեփ. Դրանք են.
• Նյութափոխանակության խանգարումը
• Քաշի կտրուկ ավելացում կամ հակառակը
• Ոչ ճիշտ սնունդը
Թեփի դեմ պայքարելու համար օգտագործվում են օճառահեղուկներ, դիմակներ և լոսյոններ:
Դրանք բոլորը պարունակում են հակասնկային, հակամանրէնային պատրաստուկներ: Կոսմետիկ միջոցների բաղադրության մեջ հաճախ ընդգրկվում են
• կետոկոնազոլ, բիֆոնազոլ, ծծմբային ցինկ. նախատեսված են թեփ առաջացնող սնկերի դեմ պայքարի համար:
• սալիցիլաթթու և սելենի դիսուլֆատ. ոչնչացնում են թեփը և կանխարգելում նրա առաջացումը:
• Կուպր և ծծումբ. նպաստում են մահացած բջիջների անջատմանը:
Որպեսզի կարողանաք թեփից ազատվել, կարևոր է ուշադրություն դարձնել սննդակարգին: Սեբորեայի դեպքում խորհուրդ է տրվում սահմանափակել քաղցրի, կծվի և ճարպոտ սննդի քանակությունը: Ձեր սննդակարգը անպայման պետք է հարուստ լինի А, В, С, Е վիտամիններով և բջջանյութերով: Բացի այդ թեփը բուժելու համար կիրառում են.
• հեղուկ ազոտով կրիոմերսում
• ֆիզիոթերապիա
• ուլտրամանուշակագույն ճառագայթներով ներգործություն:
Որպեսզի բուժման արդյունքը երկարատև լինի՝ պետք է նաև ուշադրություն դարձնել իմունային համակարգին: Սեբորեայի բուժումը իրագործելու և թեփից ազատվելու համար կարելի է օգտագործել նաև ժողովրդական դեղամիջոցներ: Այսպես, օրինակ, ժողովրդական բժշկության համաձայն խորհուրդ է տրվում հազարատերևուկի կամ եղինջի թուրմով մերսել գլխի մաշկը:
Թեփի բուժումը, որպես կանոն, տևում է 1-2 ամիս:
Նյութի աղբյուրը՝ tert.am