Գլխի թեփոտման պատճառ կարող են լինել …
Գլխի թեփոտում, առատ թեփուկներ, որոնք առաջանում են գլխի մաշկի մազածածկ մասերում։ Սովորական թեփոտման ժամանակ մանր թեփուկները տարածվում են գլխի մազածածկ մասի ամբողջ մակերեսով կամ առավելապես լինում են ճակատային և քունքային հատվածներում, երբեմն՝ առանձին օջախներով։ Ճարպազատումը թույլ է արտահայտված, անհանգստացնում է քորը, աստիճանաբար մազերը չորանում են, փշրվում և սկսում թափվել։
Գլխի թեփոտման պատճառ կարող են լինել վիտամինների (A, B խմբի) անբավարարությունը, ստամոքսաղիքային, նյարդային համակարգերի գործունեության խանգարումները, մազերի ոչ ճիշտ խնամքը, որի հետևանքով գլխի մաշկը չորանում է։ Ենթադրվում է նաև, որ գլխի թեփոտումը կարող է վարակիչ լինել։ Եթե գլխի թեփոտումը առաջանում է ուժեղ ճարպազատման հետևանքով, ապա թեփուկները ներծծվում են ճարպագեղձերի արտազատուկով, շերտավորվում են, դառնում դեղնավուն, իսկ մազերն արագ կեղտոտվում են և կպչում միմյանց։
Գլխի թեփոտման ժամանակ խորհուրդ է տրվում վիտամիններով հարուստ սնունդ, կանոնավոր քուն, լիարժեք հանգիստ, համապատասխան խնամք (հատուկ շամպուններ)՝ կախված մազերի բնույթից։ Արտահայտված թեփոտման, խոշոր թեփերի, գլխի մաշկի բորբոքային ախտանշանների, մազերի փշրվելու դեպքերում, որոնք կարող են լինել լուրջ հիվանդությունների (օրինակ՝ միկրոսպորիա, տրիխոֆիտիա, էկզեմա) ախտանշաններ, որը բուժվում է առողջապահական կենտրոններում։
Օգտակար խորհուրդներ մազերի թեփից ազատվելու համար.
Տատրակի և եղինջի տերևներից պատրաստված եփուկով լվանալ գլուխը;
Կարելի է օգտագործել սովորական մեղվամուշկի եփուկը:
Թեյի ծառի եթերայուղը թեթևակի տաքացնել ջրային բաղնիքի վրա, քսել գլխամաշկին, մազերը կապ
ել պոլիէթիլենային թաղանթով, պահել 15 րոպե և լվանալ: Թեփից օգնում են ազատվել նաև էվկալիպտի, խնկունիի և նարդոսի եթերայուղերը:
Հավասար չափաբաժիններով տաք մեղրը, հալվեյի տերևների հյութն ու ձիթապտղի յուղը խառնել, ավելացնել մեկ ձվի դեղնուց, խառնել և քսել մազարմատներին և գլխամաշկին: Մազերը փաթաթել սրբիչով, պահել 20-30 րոպե և լվանալ:
պատրաստեց`Ա.Հարությունյան
