Գոնոռեա (սուսանակ) սեռական ճանապարհով փոխանցվող հիվանդություն
Գոնոռեան հիմնականում սեռական ճանապարհով փոխանցվող հիվանդություն է : Այն սովորաբար անվանում են <Տրիպեր>: Գոնոռեան հանդսանում է փոքր կոնքի օրգանների բորբոքային հիվանդության, անպտղության և արտարգանդային հղիության հիմնական պատճառներից մեկը:
Հիվանդության հարուցիչը գոնոռեայի բակտերիան է: Այն արագ աճում և բազմանում է կանանց և տղամարդկանց սեռական օրգանների լորձաթաղանթների վրա:
Հղի կնոջ գոնոռեայով վարակված լինելու դեպքում այս հարուցիչները կարող են ախտահարել նաև նորածնի աչքերը` ծննդաբերական ուղիներով անցնելու ընթացքում: Չբուժելու դեպքում այն կարող է հանգեցնել կուրության:
Գոնոռեայի ախտանշանները սովորաբար ի հայտ են գալիս վարակվելուց 3-5 օր անց, սակայն երբեմն այս ժամանակաշրջանը կարող է երկարաձգվել մինչև մեկ ամիս: Կանանց մոտ գոնոռեայի դեպքում դիտվում է.
- հեշտոցային արտադրություն` դեղնականաչ կամ սպիտակ գույնի
- արյունահոսություն սեռական հարաբերությունից հետո
- ցավ և աիրոցի զգացողություն միզարձակման և սեռական հարաբերության ժամանակ
- ցավեր և լարվածություն որովայնի ստորի շրջանում
վարակը դեպի վերին սեռական օրգաններ`
արգանդ, արգանդափողեր, կամ ձվարաններ տարածվելու դեպքում:
Որոշ կանանց մոտ ախտանշանները կարող են լինել այնքան քիչ արտահայտված, որ մնան աննկատ: Սա մեծացնում է բարդությունների առաջացման և վարակի տարածման վտանգը:
Տղամարդկանց մոտ առաջին երկու օրերին դիտվում է կաթնագույն, ջրի արտադրություն միզուկից, որը հետագայում դառնում է դեղնավուն և մածուծիկ` ուղեկցվելով միզարձակման ժամանակ միզուկի ցավի և այրոցի զգացողությամբ:
Գոնոռեան չբուժելու դեպքում, և կանանց և տղամարդկանց մոտ կարող է զարգանալ անպտղություն: Կանանց մոտ մեծանում է արտարգանդային հղիության հավանականությունը:Գոնոռեան կարող է արյան միջոցով տարածվել հոդերը և ուղողաթաղանթները, ինչը շատ վտանգավոր է:
Հղի կնոջ մոտ գոնոռեան կարող է հանգեցնել վիժումների կամ վաղաժամ ծննդաբերության: Վարակված մայրը երեխային վարակը կարող է փոխանցել ծննդաբերության ժամանակ` ծննդաբերական ուղիներով անցնելիս, ինչը կարող է հանգեցնել երեխայի կուրության կամ արյան վարակի:
Հիշեք, որ գոնոռեայի առկայության դեպքում մեծանում է ՄԻԱՎ-ով վարակվելու հավանականությունը:
Ինչպես կանխել գոնոռեան
- եղեք հավատարիմ Ձեր զուգընկերոջը, որը նույնպես պետք է լինի առողջ, և նա նույնպես չպետք է ունենա այլ զուգընկերներ:
- բոլոր տեսակի սեռական հարաբերությունների ժամանակ օգտագործեք պահպանակ
- եթե Ձեզ մոտ ախտորոշվել է սեռավարակ, ապա անպայման հետազոտվեք այլ սեռավարակների նկատմամբ, մասնավորապես, սիֆիլիս, ՄԻԱՎ և հեպատիտ B և C:
Ապրեք առողջ…
Պատրաստեց` Լ. Բունիաթյան