Դեղաբույսեր մազերի խնամքի համար
Մազերի աճի խթանման համար կարելի է օգտագործել հետևյալ դեղաբույսերից պատրաստված եփուկները`
Պատատուկ- 1 ճաշի գդալ բուսահումքը 10 րեպե եփել 1/2 լիտր ջրում, թրմել,քամել: Ամեն երեկո, մեկ ամիս անընդմեջ, այդ եփուկով թրջված բամբակով պետք է թրջել մազարմատները և մազերը:
Կուսարմատ սովորական- թարմ արմատները ճզմել, ստացված հյութը քսել մազարմատներին:
Ջրկոտեմ-100գ. ջրկոտեմի տերևները, 100գ. եղինջի տերևները և 10գ. սագաթաթի արմատները մանրացնել: Ստացված բուսահումքին ավելացնել 1/2լիտր մաքուր սպիրտ: Լցնել ապակե տարայի մեջ: Թրմել 15 օր, օրը մի քանի անգամ թափահարելով: Ստացված թուրմը քամել և օգտագործել գլուխը լվանալուց հետո, բամբակի օգնությամբ քսել մազարմատներին:
Շնալեզու- թարմ արմատները ծեծել մինչև խույս ստացվի: Խույսը քսել մազարմատներին, գլուխը փաթաթել թաղանթով և հաստ սրբիչով: Պահել 1 ժամ: Օգտագործել շաբաթը 3-4 անգամ, մեկ ամսվա ընթացքում:
1 ճաշի գդալ կեչու տերևների վրա լցնել 300 մլ. եռացրած ջուր, թրմել 2 ժամ: Քամել, ամեն անգամ մազերը լվանալուց հետո քսել մազարմատներին: Եփուկը լավ ազդեցություն է ունենում մազաթափման դեպքում:
Պատրաստեց`Ա.Հարությունյան