ԵՊԲՀ-ում դասախոսելու է Կոպենհագենի համալսարանի Սննդաբանության և սպորտի ֆակուլտետի դասախոս, պրոֆեսոր Անդերս Սյոդինը
Հարգելի ուսանողներ, կլինիկական օրդինատորներ, դասախոսներ: Սիրով տեղեկացնում ենք, որ «Էրամուս +» երկկողմանի ծրագրի շրջանակներում, մայիսի 7-ից 11-ը ԵՊԲՀ-ում դասախոսություններ է կարդալու Կոպենհագենի համալսարանի Սննդաբանության և սպորտի ֆակուլտետի դասախոս, ճարպակալման հետազոտական խմբի ղեկավար պրոֆ. Անդերս Սյոդինը`համաձայն հետևյալ օրակարգի:
Մայիսի 7, թեմա՝ Էներգետիկ բալանս, մետաբոլիկ ադապտացիա և ախորժակի կարգավորում:
Մայիսի 8, թեմա՝ Ճարպակալմանը նպաստող միջավայր՝ ինչն է մեզ ստիպում ուտել:
Մայիսի 10, թեմա՝ Ճարպակալման բուժում. վարքագծային փոփոխություններից մինչև բարիատրիկ վիրաբուժություն:
Մայիսի 11, թեմա՝ Ֆիզիկական ակտիվություն և մարմնի զանգված, սպորտային սնունդ՝ մարզիկների սննդային պահանջներն ու դրանց կարգավորումը:
Դասախոսությունները տեղի կունենան 2-րդ լսարանում, ժամը 14:00-ին: Դասախոսությունները կանցկացվեն անգլերենով: Մուտքն ազատ է: Մանրամասների համար դիմել ԵՊԲՀ հիգիենայի և էկոլոգիայի ամբիոնի դասախոս Արմեն Մկրտչյանին (հեռ. 093300558)
