Ի՞նչ է արգանդի միոման
Արգանդի միոման հաճախ հանդիպող բարորակ գոյացություններից է։Այն առաջանում է մկանային և շարակցահյուսվածքային տարրերից։ Ունի կլոր հանգուցավոր ձև։ Առաջացման պատճառագիտության մեջ առաջնային դեր ունի էստրոգենների փոխանակության խանգարումը։ Միոմայի առաջացմանը որոշակիորեն նպաստում են նաև հաճախակի արհեստական վիժումները և ներարգանդային բուժական գործողությունները։ Այսպիսով արգանդի միոման հորմոնակախյալ ՝ էստրոգեն կախյալ ուռուցք է,առաջանում է հիպոթալամուս -հիպոֆիզ-ձվարան-մակերիկամային համակարգի դիսֆունկցիայի հետևանքով, հանգեցնում է հորմոնային հաշվեկշռի և փոխանակության խանգարման ու մկանային հյուսվածքի հիպերպլազիայի։
Միոման հաճախ տեղակայվում է արգանդի մարմնում։ Լինում է՝ սուբմուկոզ-աճում է դեպի արգանդի խոռոչ, ինտրամուրալ-աճում է պատի հաստության մեջ, սուբսերոզ-աճում է դեպի որովայնի խոռոչ։ Սուբմուկոզ և ինտրամուրալ միոմաները մեծ չափերի դեպքում կարող են դեֆորմացնել արգանդի խոռոչը։
Կլինիկան կախված է հանգույցի տեղակայումից, հիվանդի տարիքից, հիվանդության վաղեմությունիc, ուղeկցող հիվանդություններից։ Հաճախ հանդիպում է ռեպրոդուկտիվ տարիքի կանանց մոտ, 35 տարեկանից հետո։ է։ Չափերը մեծանում են ռեպրոդուկտիվ տարիքում , իսկ պոստմենոպաուզալ դաշտանադադարի շրջանում՝ կախված էստրոգենի ցածր մակարդակի հետ հնարավոր է չափերի փոքրացում։ Հղիության ընթացքում միոմատոզ հանգույցում հնարավոր է դեգեներատիվ փոփոխություններ, որոնք կարող են ուղեկցվել ցավային սինդրոմով։
Հիմնական գանգատներն են՝ դաշտանային ֆունկցիայի խանգարում, ցավեր, մեծ չափերի դեպքում հարակից օրգանների ֆունկցիայի խանգարումներ, երբեմն սպիտահոսություն, չբերություն։
Հեշտությամբ ախտորոշվում է գերձայնային հետազոտության միջոցով, հիստերոսկոպիայով։
Դինամիկ հսկողության ժամանակ խորհուրդ է տրվում հետազոտել դաշտանային ցիկլի նույն օրերին։
Արգանդի միոմայի բարդությունների շարքին են դասվում
-ուռուցքի ոտիկի ոլորում, մեռուկացում,
-առատ արյունահոսություն,
-չարորակացում,
-հարակից օրգանների ֆունկցիայի խանգարումներ,
Բուժման եղանակներն են վիրահատական և պահպանողական։
Վիրահատական բուժման ցուցումներն են՝
-միոմայի մեծ չափերը,
-արգանդային արյունահոսությունը,
-պոստմենոպաուզալ շրջանում <դաշտանադադարի > ուռուցքի աճ,
-չարորակացում,
-հանգույցի մեռուկացում,
-հարակից օրգանների ֆունկցիայի խանգարում,
-մանկածնական ֆունտկցիայի խանգարում,
-խիստ արտահայտված ցավային համախտանիշ և այլն։
Վիրահատությունը հնարավոր է կատարել լապարատոմիկ և լապարասկոպիկ եղանակներով։
Ապրեք առողջ
Պատրաստեց Գ․Բունիաթյանը
Նյութը պատկանում է aroxjblog.am կայքին։ Կիսվելիս ակտիվ հղումը պարտադիր է։