Ի՞նչ հիվանդության մասին կարող է մատնանշել քաշի եւ ախորժակի կորուստը
Թուլությունը, քաշի եւ ախորժակի կորուստը, ինչպես նաեւ զզվանքը մսից կարող են վկայել ստամոքսի քաղցկեղի մասին, հավաստիացրել է ուռուցքաբան, կլինիկական ուռուցքաբանների եվրոպական միության (ESMO) անդամ Անդրեյ Պիլեւը (Ռուսաստան)։
«Առաջինը այն նշանների համախտանիշն է, որը չի կարելի սպեցիֆիկ համարել հենց ստամոքսի քաղցկեղի համար, քանի որ այն բնորոշ է որովայնի խոռոչի շատ այլ ուռուցքներին։ Այդ նշաններն են թուլությունը, քաշի եւ ախորժակի կորուստը։ Եթե մենք խոսում ենք ստամոքսի քաղցկեղի մասին, ապա այն բավական հաճախ սկսվում է մսից զզվելով՝ ախորժակի կորստի հետ միասին»,- ասել է մասնագետը Ura.ru-ի հետ զրույցում։
Նրա խոսքով՝ այդ հիվանդության ախտանշաններ կարող են լինել սրտխառնոցը եւ փսխումը, մանավանդ եթե ուռուցքը գտնվում է կարդիոէզոֆագելային հատվածում, տեղ, որտեղ կերակրափողը մտնում է ստամոքս։
Ախտանշանները կարող են ի հայտ գալ անմիջապես սնունդն ընդունելուց հետո կամ էլ մի քանի ժամ անց։
Մասնագետը խորհուրդ է տվել ուշադրություն դարձնել փսխուքի գույնին. եթե այն մուգ է, դա կարող է նշանակել, որ ուռուցքն արնահոսում է ստամոքսում։
Պիլեւը խորհուրդ է տվել վերոնշյալ ախտանշաններից յուրաքանչյուրի առկայության դեպքում անմիջապես դիմել բժշկի։
