Thursday, March 28, 2024
ՆորություններԱռողջ ապրելակերպ

Ինչո՞ւ են մաշկի վրա հաճախակի կապտուկներ առաջանում

Պատահե՞լ է, որ լոգանք ընդունելիս կամ զգեստափոխվելիս ձեր մարմնի այս կամ այն հատվածում կապտուկներ նկատեք, որոնց ի հայտ գալը չեք զգացել:

WebMD կայքը գրում է, որ երբեմն ինչ-որ առարկաների բախվելուց նորմալ է, որ կարող են կապտուկներ առաջանալ ձեր ծնկներին եւ արմունկներին: Նորմալ է նաեւ, որ դուք չհիշեք դրանց առաջացման մասին, սակայն առանց էական պատճառի կապտուկների հայտնվելը դեմքին, մեջքին, կրծքավանդակին կամ գոտկատեղին այդքան էլ սովորական բան չէ եւ կարիք կա բժշկական հետազոտության:

Ինչպե՞ս է կապտուկն առաջանում

Երբ դուք մարմնի որեւէ հատվածին հարված եք ստանում, եւ բաց վերք չկա, ապա արյուն չի հոսում, սակայն հարվածից վնասված անոթներն սկսում են արյունահոսել մաշկի տակ: Դրա արդյունքում մաշկը տվյալ հատվածում գունավորում է ստանում: Սովորաբար սկզբում կապտուկը կարմիր է կամ մանուշակագույն, սակայն հետագայում կարող է դառնալ շագանակագույն, կանաչ կամ դեղին: Կապտուկի հատվածը կարող է ուռչել եւ ցավել:

Հարվածների արդյունքում առաջացած կապտուկները սովորաբար իրենք իրենց անցնում են մեկ կամ երկու շաբաթից:

Որ դեպքերում է պետք դիմել բժիշկի

-հարվածից մեկ շաբաթ անց կապտուկի լավացման նշաններ չեն նկատվում
-տեղակայված է մարմնի այն հատվածում, որտեղ պատահական հարվածները քիչ հավանական են
-գնալով մեծանում է կամ կրկին առաջանում
-անսովոր չափերի է

Կապտուկների առաջացման այլ պատճառներ

Կարեւոր գործոն է տարիքը: Տարեց մարդիկ առավել հեշտությամբ են կապտուկներ ստանում, քան երիտասարդները:

Օրգանիզմում B12, C կամ K վիտամինների դեֆիցիտը նույնպես կարող է հաճախակի կապտուկների առաջացման պատճառ լինել:

Կապտուկների առաջացման պատճառներից են նաեւ արյան շրջանառության հետ կապված խնդիրները, նաեւ՝ ժառանգականությունը:

Ի դեպ, որոշ դեղամիջոցներ նույնպես կարող եք կապտուկների առաջացման պատճառ լինել, այնպես որ՝ արժե խորհրդակցել բժիշկի հետ:

Աղբյուրը՝ Doctors.am

Leave a Reply

x Close

Like Us On Facebook