Ինչ մրգեր է հարկավոր օգտագործել ձմռանը վիտամինների պակասը լրացնելու համար.tert.am
Որպեսզի թույլ չտանք մեր իմունիտետին ձմռանը «մահանալ», հարկավոր է սննդակարգում ավելացնել վիտամիններով հարուստ մրգեր:Այս մասին գրում է tert.am-ը:
Օրինակ՝ մանդարինը, որն ընդունված է Ամանորին ուտել մեծ քանակությամբ, պարունակում է պեկտիններ, երկաթ, աղեր և կալցիում, ինչպես նաև В, С և Р խմբի վիտամիններ: Այդ մրգի բույրը դրական է ազդում մեր տրամադրության վրա, նվազեցնում է նյարդային լարվածությունը և ազատում է անքնությունից: Եթե մանդարինի կեղևների բույրը նջասենյակում, ապա ավելի արագ և ավելի ամուր կքնեք: Բացի այդ, մանդարինը կարող է բուժել հազը և հիվանդ կոկորդը, քանի որ այն հայտնի է իր հակաբակտերիալ հատկություններով: Այս միրգը օգտակար է հաճախասրտության և արյան բարձր ճնշման դեպքում:
Կիտրոնը, չնայած որ թթու միրգ է, շատ օգտակար է: Այն բարձրացնում է իմունիտետը և կարգավորում է մարսողական գործընթացները: Կիտրոնի հյութի օգնությամբ դուք կկարողանաք օրգանիզմից դուրս բերել տոքսիները: Հիպերտոնիկ հիվանդության սկզբնական շրջանում շատ օգտակար է այս մրգի փափուկ զանգվածը: Իսկ գրիպի և մրսածության հետևանքով առաջացած այլ հիվանդությունների կանխարգելիչ բուժման համար շատ օգտակար է այտի վրա դրված մի կտոր կիտրոնը:
Նարինջը պարունակում է կալցիում, կարոտին, կալիում, ֆոսֆոր և մի շարք վիտամիններ, որոնց պակասը մենք զգում ենք ձմռանը: Նրա հոտը հանգստացնում է: Դրա համար նշված մրգով բուժում են վախը, նեվրոզը, գլխացավերը և անհանգստությունը: Այս միրգը հիանալի կերպով օրգանիզմից դուրս է բերում տոքսինները, ինչպես նաև վերացնում է ալկոհոլային թունավորման հետևանքները: Եթե ձեր ջերմությունը բարձր է, ապա նարնջի եփուկի օգտագործումը կարող է այն իջեցնել: Այդ եփուկի պատրաստման համար հարկավոր է մի քանի կտոր մրգի վրա լցնել եռացած ջուր և թողնել մի որոշ ժամանակ թրմվի:
Եթե դուք նախընտրում եք օգտագործել յուղոտ սնունդ, ապա նրա յուրացման համար կարելի է ուտել մի քանի կտոր նարիջ:
Թուրինջը հարուստ է վիտամին С-ով: Այն իր բաղադրության մեջ պարունակում է մի նյութ, որը համարվում է բարեկազմության վիտամին: Այս միրգը կարող է շատ օգտակար լինել այն մարդկանց համար, ովքեր կիրառում են զանազան դիետաներ: Այն բարձրացնում է օրգանիզմի ընդհանուր տոնուսը, հաղորդում է ուժ և նվազեցնում է արյան մեջ շաքարի մակարդակը: