Thursday, March 28, 2024
ՆորություններԳեղեցկություն և խնամք

Լավագույն եթերայուղերը տրամադրությունը բարելավելու համար

Արոմաթերապիան հաճախ է կիրառվում մարդու օրգանիզմի վրա այս կամ այն կերպ ազդելու համար։ Եթերային յուղերը կիրառվում են ինչպես հոգեկան, այնպես էլ ֆիզիկական առողջության բարելավման համար, ուստի այս պրոցեդուրաները կարող են շատ արդյունավետ լինել ամենատարբեր խնդիրների դեպքում։ Կան անգամ բույսեր, որոնց եթերային յուղերի կիրառությունն օգնում է զգալիորեն բարելավել տրամադրությունն ու ինքնազգացողությունը, ուստի դրանք կարող են շատ օգտակար լինել սթրեսների ու ընկճախտի դեպքում։ Մասնագետները ներկայացրել են դրանցից լավագույնները։

Նարդոս

Հին ժամանակներում մարդիկ կիրառում էին նարդոսը չար ուժերին վանելու և տունը սիրով ու հաջողությամբ լցնելու համար։ Ավելի ուշ պարզվել է, որ նարդոսի նուրբ բույրը հանգստացնում է նյարդային համակարգը, ազատում է սթրեսից և ստիպում է օրգանիզմին ավելի շատ էնդորֆին արտադրել։

Աղավնիճ (Вербена)

Աշխատանքային ծանր օրվանից հետո հանգստանալու և լարվածությունից ազատվելու համար լավագույն միջոցն աղավնիճի յուրահատուկ բույրի կիրառությունն է։ Այս բույսն ունի շատ հաճելի բույր, որը նման է կիտրոնի կեղևի բույրին։ Աղավնիճի բույրը ոչ միայն բարձրացնում է տրամադրությունը, այլև հանգստության ու ինքնավստահության զգացում է պարգևում։

Անանուխ

Անանուխն օժտված է առողջության համար շատ կարևոր օգտակար հատկություններով։ Այն օգնում է պայքարել միգրենի դեմ, ինչպես նաև խթանում է գլխուղեղի աշխատանքը, բարելավում է տրամադրությունն ու օգնում է վերականգնել ուժերը։

Բերգամոտ

Բերգամոտի եթերայուղն օգնում է պայքարել դեպրեսիաների ու տրամադրության վատթարացման դեմ, դրական էներգիա ու տոնուս է հաղորդում, ինչպես նաև հանգստացնող ազդեցություն է ունենում։

Նյութի աղբյուրը՝ med2.ru

Leave a Reply

x Close

Like Us On Facebook