Կողմերը քննարկել են հետագա համագործակցության հնարավորությունները
Առողջապահության նախարարի տեղակալ Անահիտ Ավանեսյանն ընդունել է «Սանոֆի» ընկերության ներկայացուցիչներ Վասիլի Ստեփանյանին, Յուրի Օրլովին և Գեոֆրոյ Բեսսաուդին: Հանդիպմանը մասնակցել է նաև Երևանի Մխիթար Հերացու անվան պետական բժշկական համալսարանի դեղերի տեխնոլոգիայի ամբիոնի վարիչ Հակոբ Թոփչյանը:
Հյուրերը նախարարի տեղակալին ներկայացրել են մանրամասներ «Սանոֆի» ընկերության կողմից արտադրվող և ներկրվող դեղերի որակի, անվտանգության և արդունավետության վերաբերյալ:
«Սանոֆի» ընկերության ներկայացուցիչները նշվել են, որ իրենք մշտապես իրականացնում են շուկայի մշտադիտարկում կազմակերպության կողմից արտադրված դեղերի վերահսկման ուղղությամբ: Միաժամանակ, կազմակերպության կողմից առաջարկվել է ներդնել պիտակավորման նոր մեխանիզմներ, ինչը կբարձրացնի դեղերի անվտանգությունը և հիմքեր կստղեծի անօրինական ներմուծումներից խուսափելու համար:
Կողմերը քննարկել են բարձրացված հարցերը և հետագա համագործակցության հնարավորությունները: