Հնդկաստանում չորս ձեռքով եւ չորս ոտքով երեխա է ծնվել
Հնդկաստանի Բիհար նահանգում երկու մարմնով, չորս ձեռքով եւ չորս ոտքով աղջիկ է ծնվել: Ծննդից կարճ ժամանակ անց երեխան մահացել է, բայց երբ չորս վերջույթներով երեխայի ծնվելու լուրը տարածվել է, դեպի հիվանդանոց մարդկանց հոսք է սկսվել, գրում է Mirror-ը:
Երեխայի մայրը՝ Սավիտա Դեւին պատմել է, որ ցնցվել է, երբ տեսել է դստերը:
«Թերեւս լավ է, որ այդպես պատահեց: Հայտնի չէ, թե ինչպես կարող էր նա հետագայում ապրել նման արատով»,- ասել է կինը:
Բժիշկների խոսքով՝ երեխային փրկել հնարավոր չէր: Բժիշկ Մուկեշ Կումարը բացատրել է, որ աղջիկը բավականաչափ զարգացած չէր, այդ պատճառով բժիշկները ոչնչով չէին կարող օգնել փոքրիկին: