Ճարպակալումը նստակյաց կյանքի հետևանք է
Ճարպակալումը վնասակար է առողջության համար: Այն նաև կոսմետիկական թերուրյուն է: Ավելորդ քաշից ազատվելու համար անհրաժեշտ է զբաղվել սպորտով և պահպանել սնման ռեժիմը: Պետք է հնարավորինս շատ օգտագործել սպիտակուցներ պարունակող սննդամթերք միս,ձուկ, կաթնաշոռ, պանիր և պետք է պակասեցնել օգտագործվող ածխաջրերի քանակը: Երեկոյան ժամը 6-ից հետո սնունդ չընդունել,շաբաթական մեկ օր նշանակել բեռնաթափման օր,և ամեն օր հետևել սեփական քաշի փոփոխություններին:Ճարպակալումից խուսափելու հիմնական միջոցը սեփական մարմնի քաշի կարգավորումն է,որը հնարավոր է ֆիզիկական վարժությունների, աշխատանքի և իհարկե,սննդակարգին հետևելու միջոցով: Ճարպակալման հակված,գեր մարդիկ պետք է պահպանեն հետևյալ կանոնները.
* սնվեն օրական 4-5 անգամ, օգտագործելով բանջարեղեն, ոչ քաղցր մրգեր, անյուղ միս, կաթնեղեն, ձու, ձուկ.
* խուսափեն ախորժաբեր համեմունքներից, աղի և կծու կերակուրներից, խմորեղենից.
* օրական օգտագործել 50-100 գրամ հաց.
* խուսափեն կիսաքաղցր և գազավորված ըմպելիքներից.
* սնվել միայն այնքան, որ սով չզգաք.
* երեկոյան` ժամը 6-ից հետո չուտել:
Գիշերը սնվելու դեպքում ճարպը շատ քիչ է օքսիդանում և մեծ մասամբ կուտակվում է,որի հետևանքը գիրությունն է: Լիքը ստամոքսը մարմնի հորիզոնական վիճակում ճնշում է ստոծանուն և դժվարացնում Է սրտի աշխատանքը, հատկապես նրանց մոտ, ովքեր ունեն սիրտ-անոթային համակարգի հիվանդություններ:
Հետաքրքիր փաստեր`քնած մարդը մեկ ժամում ծախսում է ընդանենը 60 կիլոկալորիա,
հեռուստացույցի մոտ նստած մարդը ծախսում է 80 կիլոկալորիա,
ղեկի մոտ նստածը`150 կիլոկալորիա,
1 ժամ վազելու ընթացքում`600 կիլոկալորիա,
1 ժամում հեծանվորդը ծախսում է 700 կիլոկալորիա.
Կրեմ պարունակող միայն մեկ կարկանդակը պարունակում է 400 կիլոկալորիա:
Ապրեք առողջ
պատրաստեց`Ա.Հարությունյան