Մարտի 23-ին տեղի ունեցավ լույսի մոլորակ․ մոր և մանկան էքսպո-կոնֆերանսը

Մարտի 23-ին, Երևանի էքսպո ցուցահանդեսային կենտրոն տեղի ունեցավ մոր և մանկան զարգացման էքսպո-կոնֆերանս՝ հանուն ավելի առողջ և կիրթ հասարակության։ Ցուցահանդեսը նախատեսված էր  բոլոր ներկա և ապագա մայրիկների, մոր և մանկան հիմնախնդիրներով զբաղվող հաստատությունների, և ընդհանրապես, բոլոր նրանց համար, ովքեր մտահոգ են հասարակության կայուն զարգացմամբ և ապագա սերունդների բարեկեցությամբ կամ պարզապես ցանկանում են անմոռանալի օր ունենալ՝ լի մանկական զվարճանքներով։

Ծրագիրը նպատակ ունի ՝
✔Մասնագիտական տեղեկատվություն տրամադրել մոր և մանկան առողջության պահպանման հարցերի վերաբերյալ
✔Բարձրացնել հատուկ կարիքներով երեխաների սոցիալականացման հարցերը, տեղեկատվություն տրամադրել առողջական խնդիրների վաղաժամ բացահայտման և դրանց հետագա զարգացման կանխարգելման վերաբերյալ
✔Ներկայացնել կրթական այլընտրանքային ծրագրեր առաջարկող կենտրոնները, նրանց կողմից առաջարկվող բաց դասերը
✔Երեխաներին, և ինչու՞ ոչ, նաև մեծերին նվիրել հագեցած և ուրախ պահերով լի օր, պարգևել ջերմ հիշողություններ՝ համադրելով զվարճանքն ու օգտակար տեղեկատվությունը

Միջոցառումը նախատեսված էր՝

✔Մինչև 15 տարեկան երեխաների համար
✔Բոլոր ծնողների համար
✔Հղիների համար
✔Առողջության պահպանմանն ուղղված ՀԿ-ների համար
✔Երեխաների առողջության, կրթության, հատուկ կարիքների և սոցիալական հարցերով գործունեություն ծավալող ՀԿ-ների համար
✔Ամենատարբեր պրոֆիլների բժիշկների համար
✔Կրթական հաստատությունների համար