Մեծ Բրիտանիայում առաջին անգամ շագանակագեղձի քաղցկեղի ռոբոտացված վիրահատության նոր ձեւ են կիրառել
Բրիտանացի բժիշկները շագանակագեղձի ռոբոտացված վիրահատության նոր ձեւ են կիրառել, որից հետո պացիենտները վերականգնվում են մի քանի շաբաթում, այլ ոչ թե մի քանի ամսում, գրել է Daily Mail-ը։
Այդ տեխնիկան ներառում է շեքի, այլ ոչ թե կոնքի առաջնամասի կտրվածք, ինչպես ստանդարտ մեթոդի ժամանակ է արվում։
Լոնդոնի Համալսարանական քոլեջի հիվանդանոցի ուրոլոգները խորհուրդ են տալիս դիմել այս վիրահատությանը՝ նշելով, որ այս մոտեցումը նվազագույնի է հասցնում արյան կորուստն ու աղիների վնասվելու ռիսկը, ինչպես նաեւ նվազեցնում է հետվիրահատական բարդությունների, ինչպիսին է անմիզապահությունը, հավանականությունը։
Մեծ Բրիտանիայում ամեն տարի շագանակագեղձի քաղցկեղ է ախտորոշվում 52 000 տղամարդկանց մոտ, եւ տասից մոտ ութը դրանից հետո ապրում է տասը եւ ավելի տարի։
Եթե քաղցկեղը հայտնաբերվել է վաղ փուլում, դանդաղ է աճում եւ ախտանշաններ չի առաջացնում, պացիենտները կարող են պարզապես մշտապես բուժզննում անցնել, այլ ոչ թե ավելի ագրեսիվ բուժում ստանալ։
Բայց եթե քաղցկեղն ավելի ուշ փուլի է հասել կամ ուռուցքն ագրեսիվ է եւ կա դրա տարածման վտանգ, կարելի է դիմել վիրահատական միջամտության, ռադիոթերապիայի եւ դեղորայքային բուժման։
Շագանակագեղձը հունական ընկույզի չափ գաղձ է, որը գտնվում է միզափամփուշտի տակ։ Դիրքի պատճառով բուժումը հաճախ ուղեկցվում է անմիզապահության առաջացմամբ։ Վիրահատությունը կարող է վնասել նաեւ սեռական օրգանը սնուցող նյարդերը, ինչը կհանգեցնի էրեկտիլ դիսֆունկցիայի։
Շագանակագեղձի հեռացման վիրահատությունը, որը հայտնի է որպես ռադիկալ պրոստաէկտոմիա, սովորաբար կատարվում է մեկ ոչ մեծ կտրվածքով՝ մի քանի ոչ մեծ կտրվածքների օգտագործմամբ որովայնի ստորին հատվածում։ Նորագույն մեթոդը՝ ռոբոտացված վիրաբուժությունը, կատարվում է «փականի անցքով»։ Վիրահատության ժամանակ վիրաբույժը կառավարում է բազմաձեռն մեքենան, որը պահում է գործիքները։
Պրոստաէկտոմիան սովորաբար կատարվել է շեքի միջով, ինչը թույլ է տվել ավելի ուղիղ ճանապարհ գտնել դեպի շագանակագեղձ։ Բայց կտրվածքի դիրքի պատճառով վիրաբույժների համար դժվար է եղել տեսնել, թե ինչ են անում, եւ 1990-ականներին այդ մեթոդից գրեթե հրաժարվել են։
Բայց «փականի անցքով» ռոբոտացված վիրաբուժության շնորհիվ մասնագետները կարողացել են վերածնել այդ մեթոդը։
