Միլան. Իտալիայի երկրորդ խոշորագույն քաղաք (video)
Միլան (իտալ.՝ Milano, ), Իտալիայի երկրորդ խոշորագույն քաղաքն է, Հյուսիսային Իտալիայի գլխավոր քաղաքը, Լոմբարդիա մարզի Միլան գավառի վարչական կենտրոնը, Իտալիայի տնտեսական և ֆինանսական կենտրոնը: Զբաղեցնում է 182 քառ. կմ տարածք, բնակչության թիվը՝ շուրջ 1, 3 միլիոն մարդ, մինչդեռ արվարձաններով հանդերձ շուրջ 5, 2 միլիոն, Եվրոպայի հինգերորդ խոշոր քաղաքը։ Միլանը ճանաչվել է նորաձևության և դիզայնի համաշխարհային կենտրոն շնորհիվ մի շարք միջազգային միջոցառումների, այդ թվում «Միլանի Նորաձևության Շաբաթը» (Milan Fashion Week) և «Միլանի կահույքի ցուցահանդեսը» (Milan Furniture Fair), որոնք այժմ աշխարհում ամենաշատ այցելվող, ամենաեկամտաբեր և աճ գրանցող միջոցառումների թվին են դասվում: Միլանը հյուրընկալել է նաև համաշխարհային ցուցահանդեսը (Էքսպոն) 1906 և 2015 թվականներին:
Միլանում են գտնվում բազմաթիվ մշակութային հաստատություններ, ակադեմիաներ և համալսարաններ: Միլանն ընդունում է տարեկան 8 միլիոն այցելու՝ ներգրավվելով իր թանգարաններով և պատկերասրահներով, որոնք պարծենում են աշխարհի ամենակարևոր հավաքածուներով, ներառյալ Լեոնարդո դա Վինչիի հիմնական աշխատանքները: Միլանում է գտնվում «Լա Սկալա» օպերային թատրոնը։ Քաղաքում են գտնվում նաև մի շարք շքեղ հյուրանոցներ՝ հանդիսանալով աշխարհում հինգերորդ ամենաշատ աստղ ունեցողն աշխարհում, ըստ Michelin-ի ուղեցույցի: Քաղաքը հանդիսանում է նաև աշխարհի ամենահաջողակ ֆուտբոլային ակումբներից երկուսի, Միլանի ու Ինտերի, Իտալիայի հիմնական բասկետբոլային թիմերից մեկի՝ Օլիմպիա Միլանոյի տունը:
Միլանի պատմական կենտրոնը մեծ չէ: Փոքր կենտրոնը կազմում են մինչ օրս պահպանված միջնադարյան պատերը: Մեծ կենտրոնի տարածքը նախկինում շրջապատված էր 16-րդ դարի իսպանական պատերով: Հիմնական զբոսաշրջային հետաքրքրություն ներկայացնող տեսարժան վայրերը գտնվում են փոքր կենտրոն տարածում: Ամենակենտրոնում Դուոմոն է և Վիտտորիո Էմանուել II պատկերասրահը: Հյուսիսում Լա Սկալան է, Բրարա և Մոնտե-Նապոլեոնե թաղամասերը, Միլանի Կենտրոնական և Պորտա Գարիբալդի կայարանները: Հարավային մասում Համալսարանն է, Վելասկա աշտարակը, Սան-Լորենցո-Մաջորեն: Արևմուտքում Սանտ-Ամրոջիո գիտական թանգարանն է, Սանտա-Մարիա-դելլե-Գրացին` դա Վինչիի «Խորհրդավոր ընթրիքով» և Կաստելլո պալատով, որը մտնում է ՅՈՒՆԵՍԿՕ-ի համաշխարհային ժառանգության ցանկ:
Միլանը նորաձևության համաշխարհային կենտրոններից մեկն է։ Այստեղ հավաքված են բոլոր հայտնի նորաձևության տների բուտիկներն ու ցուցասրահները: Դուոմոյի հրապարակից սկսում են նորաձևության փողոցները` Սպիգ, Մոնտենապոլե, Վիտտորիո Էմանուելե, Սանտ-Անդրեա, Մանցոնի: Այստեղ են գտնվում հայտնի D&G, Prada, Gucci, Hermes, Louis Vuitton, Armani, Versace, Cavalli բրենդների բուտիկներն ու ցուցասրահները: Միլանի նորաձևության շաբաթը անց է կացվում փետրվար և սեպտեմբեր ամիսներին:
