Որ հինգ մթերքներն են ամրացնում ոսկորները

«МедикФорум» պորտալը անվանել է ոսկորներն ամրացնող հինգ մթերքներ։

Քունջութի սերմեր

Դրանք պարունակում են բջջանյութ, ինչպես նաեւ օմեգա-3 ճարպաթթուներ, որոնք կարող են նվազեցնել խոլեստերինի մակարդակը, նվազեցնել բորբոքումներն օրգանիզմում եւ ապահովել ուղեղի եւ նյարդային համակարգի անխափան աշխատանքը: Ձեր սննդակարգում ավելի շատ սերմեր ներառելու համար փորձեք քնջութի սերմեր ցանել ձեր սիրելի աղցանի վրա:

Ընդեղեն

Ընդեղենը պարունակում է ոսկորներն ամրացնելու համար մեծ քանակությամբ սննդանյութեր, ինչպիսիք են մագնեզիումը, կալցիումը եւ ֆոսֆորը, որոնք ոչ միայն ամրացնում են ոսկորները եւ ոսկրային զանգվածը, այլեւ կանխում են այդ զանգվածի կորուստը, նվազեցնում են տագնապայնությունը եւ օգնում քնել: Բացի կալցիումից, ընդեղենը կարող է ձեզ լրացուցիչ սննդարար նյութերով ապահովել։

Սոյայից մթերքներ

Տոֆուն, տեմպեն եւ սոյայի տարբեր ըմպելիքները հարուստ են ոսկորներն ամրացնող սպիտակուցներով, թեեւ դրանք պարունակում են բուսական միացություններ, որոնք կարող են խանգարել կալցիումի յուրացմանը:

Խաչածաղկավոր բանջարեղեն

Կանաչ տերեւավոր բանջարեղենը, որոնք նաեւ կոչվում են խաչածաղկավորներ, պարունակում է ոսկորների առողջության համար մի շարք օգտակար սննդանյութեր, ինչպիսիք են վիտամին K-ն եւ կալցիումը: Խաչածաղկավոր բանջարեղեններից են սպանախը, շաղգամի կանաչին, կաղամբն ու ծաղկակաղամբը, բրոկոլին:

Ընկուզեղեն եւ թուզ

Պարունակում են ոսկորների համար անհրաժեշտ սննդանյութեր, ինչպիսիք են մագնեզիումը եւ ֆոսֆորը: Այս հանքանյութերը կարող են միասին աշխատել, որպեսզի բարելավեն ոսկորների հանքային խտությունը, որն էլ, իր հերթին, կկանխի այնպիսի հիվանդությունները, ինչպիսին է օստեոպորոզը:

Առողջ ոսկորների համար մարդուն անհրաժեշտ են հավասարակշռված սննդակարգի բոլոր սննդարար նյութերը: Երբ երիտասարդ եք, մարմինն ավելի արագ է կարողանում նոր ոսկորներ ձեւավորել, եւ ոսկրային զանգվածն ավելանում է: Ուստի, քանի դեռ ժամանակ կա, սկսեք ուտել այս մթերքները՝ ոսկորների առողջության համար: