Friday, March 29, 2024
ՆորություններԳեղեցկություն և խնամք

Ջրի ո՞ր ջերմաստիճանն է լոգանքի համար օպտիմալ եւ կարելի՞ է լողանալ մարմնի բարձր ջերմության ժամանակ

Շատերի համար լոգանքն ամենօրյա գործընթաց է, հիգիենայի անբաժանելի մաս, բայց արդյոք լողանալիս կարեւորում ենք ջրի ճիշտ ջերմաստիճանը… Սովորաբար մարդիկ չեն մտածում, թե լոգանքի համար ջրի որ ջերմաստիճանն է օպիտմալ համարվում: Ի վերջո, ամեն մեկն ընտրում է իր օրգանիզմին հարմար տաքություն: Բայց պարզվում է՝ խնդրի հետ կապված հետազոտություն է իրականացվել, որ արդյունքում մասնագետները եկել են եզարահնման, որ լոգանքի համար ջրի լավագույն ջերմաստիճանը 36-37 °C-ն է, ինչը համապատասխանում է առողջ օրգանիզմի ստանդարտ ջերմաստիճանին:

Տաք է համարվում 37-40 °C ջուրը, 40 °C-ից բարձրն արդեն շատ տաք է: Եվ հենց շատ տաք ջուրն է համարվում վնասակար օրգանիզմի համար: Առաջին հերթին դա վերաբերվում է մաշկին: Շատ տաք ջուրը վնասում է մաշկի հիդրոլիպիդային պաշտպանիչ շերտը:

Շատ տաք ջուրը վատն է անդրադառնում նաեւ սրտի վրա: Դրա արդյունքում կարող են առաջանալ ռիթմի խանգարումներ, ճնշման բարձրացում: 37 °C ջրի պայմաններում մարդն իրեն հարմարավետ է զգում, արյունատար անոթները չեն սեղմվում կամ լայնանում, եւ արյան շրջանառությունը չի խանգարվում:

Կարծիք կա նաեւ, որ մարմնի բարձր ջերմություն ունենալու ժամանակ ցնցուղի տակ կանգնելը հակացուցված է: Մասնավորապես, եթե Ձեր ջերմությունը հասնում է 38-38,5 °C-ի, ապա ջրային պրոցեդուրաները ցանկալի չեն, քանի որ կարող է տեղի ունենալ ջերմակարգավորման խանգարում:

Աղբյուրը՝ Doctors.am

Leave a Reply

x Close

Like Us On Facebook