Քննարկումները նպաստում են մասնագիտական համաձայնության ձեռք բերմանը
ՀՀ առողջապահության նախարարության կլինիկական ուղեցույցների և գործելակարգերի մշակման հանձնաժողովի նախագահ, «Վարդանանց» նորարարական բժշկական կենտրոնի տնօրեն, «Էրեբունի» ԲԿ-ի վերակենդանացման բաժանմունքի գիտական ղեկավար Հարություն Մանգոյանը «Վարդանանց» ՆԲԿ-ում թեմատիկ կլոր սեղան-քննարկման էր հրավիրել շուրջ 30 մասնագետի։ Քննարկման առարկան Անէսթեզիոլոգների և ինտենսիվ թերապևտների հայկական միության կողմից մշակված «Ստամոքս-աղիքային ուղու էնդոսկոպիկ միջամտությունների անզգայացման գործելակարգն» էր։
Մասնակիցները ներկայացնում էին Երևանի հինգ խոշոր բուժկենտրոնները, որտեղ լայնորեն կիրառվում են էնդոսկոպիկ միջամտություններ։ Ներկա են գտնվել նաև փորձառու բժիշկ էնդոսկոպիստներ։
Հարություն Մանգոյանը հակիրճ ներկայացրել է առաջարկվող փաստաթղթի արդիականությունը և հիմնական դրույթները։ Ծավալված քննարկման և հարց ու պատասխանի ժամանակ լուսաբանվել են անզգայացման վայրի ընտրությանը և նախապատարաստմանը, ընթացքի և հետմիջամտական վերահսկողությանը, պացիենտի անվտանգությաըն և մասնագետի իրավական պաշտպանվածությանը վերաբերող և այլ հիմնհարցեր։ Հատուկ կաևորվել է բժիշկ-էնդոսկոպիստի հետ շարունակական համագործակցության խնդիրը։ Արդյունքում կատարված առաջարկների և դիտողությունների շնորհիվ փաստաթուղթը լրամշակվել է։ Դրա լրամշակված, վերջնական տարբերակը հաջորդիվ կներկայացվի մասնագիտական հանրությանը։
ՀՀ ԱՆ կլինիկական ուղեցույցերի և գործելակարգերի մշակման հանձնաժողովի կողմից կազմակերպվող նմանատիպ պարբերական քննարկումները նպատակ ունեն հնարավորինս նպաստելու մշակվող և մշակված փաստաթղթերի բոլոր դրույթների վերաբերյալ մասնագիտական համաձայնության ձեռքբերմանը և նրանց իրազեկմանը։