25 խորհուրդ աշխատանքում առողջությունը պահպանելու համար

1. Հեռացրեք հայացքը համակարգչի մոնիտորից

Գոնե կես ժամը մեկ անգամ մի քանի րոպեով նայեք որտեղ որ ցանկանում եք, բայց ոչ համակարգչին: Լավագույն տարբերակը պատուհանն է: Եթե ունեք հնարավորություն, ապա փաստաթղթի բովանդակությունը կարդացեք թղթի վրա, այլ ոչ թե համակարգչի էկրանին:

2. Հաճախ շարժվեք

Եթե հնարավոր է, մի´ օգտվեք վերելակից, աստիճանները բարձրացեք ոտքով: Գրասեղանից վեր կացեք պատեհ կամ անպատեհ առիթով: Նույնիսկ նստած ժամանակ կարելի է շարժվել ու դիրքն անընդհատ փոխել:

3. Խուսափեք փոշուց

Աշխատանքային սեղանի վրա փաստաթղթերի տրցակը, թղթապանակները, ամսագրերն ու այլ թղթերը փոշու կայուն հավաքատեղի են, իսկ որտեղ փոշին, այնտեղ էլ մանրէներն են, էլ չենք խոսում ալերգիայի և ասթմայի մասին:

4. Օգտվեք աշխատասենյակի հեռախոսից

Եթե գրասենյակում եք, փորձեք խոսել քաղաքային հեռախոսով, այլ ոչ թե բջջայինով: Սովորական հեռախոսի ճառագայթումը տասնյակ անգամ քիչ է բջջայինից:

5. Հրաժարվեք «ոտքի վրա» ինչ-որ բան ուտելուց

Եթե հնարավոր չէ, ապա կերեք միրգ, ընկույզ կամ չիր` արևածաղկի սերմերի, թխվածքաբլիթների կամ կոնֆետների փոխարեն:

6. Սուրճի փոխարեն հյութ խմեք

Եթե կարծում եք, որ սուրճն օգնում է առույգանալ, նշանակում է՝ չեք փորձել թուրինջի հյութը: Եթե դա չեք սիրում, ապա խմեք ձեր նախընտրած որևէ այլ ցիտրուսային հյութ:

7. Ընտրեք ձեզ հարմար աթոռ

Դա շատ կարևոր է, եթե աշխատանքը նստակյաց է, իսկ շատերի մոտ, ցավոք, հենց այդպես է: Օրվա ընթացքում ոչ ճիշտ դիրքը ողնաշարի համար լուրջ խնդիրներ կարող է առաջացնել: Եթե ոչ մի կերպ չեք կարող անհարմար աթոռը փոխել, ապա դրա վրա դրեք օրթոպեդիկ բարձ:

8. Պահպանեք ջերմաստիճանային ռեժիմը

Աշխատավայրում հարկ է, որ լինի ոչ շատ տաք և ոչ էլ շատ ցուրտ: Նույնիսկ եթե դրսում -30օC է, սենյակը շոգեբաղնիք մի´ դարձրեք: Եվ հակառակը` եթե դրսում շատ շոգ է, ապա հարկ չկա նստել արհեստական սառեցված սենյակում: Ցուրտը հրահրում է մկանային լարվածություն, իսկ ավելորդ տաքությունը թուլացնում է:

9. Դուրս եկեք փողոց

Մի´ ծուլացեք և դուրս եկեք գրասենյակից, գնացեք որևէ տեղ: Դա և´ միջավայրի փոփոխություն է, և´ զբոսանք, և´ մաքուր օդ: Ծայրահեղ դեպքում կարելի է դուրս գալ և մի քիչ զբոսնել շենքի շրջակայքում:

10. Թեթև ճաշեք

Առատ ու լիարժեք ճաշից հետո կսկսեք քնել, աշխատունակությունը կնվազի, իսկ դյուրագրգռությունը կավելանա: Նույնիսկ եթե շատ քաղցած եք, աշխատեք քիչ ուտել և հագեցվածության զգացողություն անպայման կունենաք:

11. Հանեք բարձրակրունկ կոշիկները

Եթե ստիպված եք քայլել բարձրակրունկ ու անհարմար կոշիկներով, ապա ամեն մի պատեհ առիթով հանեք դրանք, կամ էլ աշխատասենյակում պահեք մի զույգ փոխարինող ու հարմար կոշիկներ:

12. Հրաժարվեք էներգետիկ ըմպելիքներից

Եթե ցանկանում եք մի քիչ առույգանալ, ավելի լավ է խմեք բնական սուրճ, քան էներգետիկ ըմպելիքներ. դրանք վնասակար են մաշկի և թոքերի համար, նաև հրահրում են գլխացավեր, հոգնածություն և աչքերի լարվածություն:

14. Եթե հիվանդ եք, մնացեք տանը

Ոտքի վրա տարած հիվանդությունը վտանգավոր է դրա արագ կրկնմամբ, նաև հետագա բարդություններով և կարող է պատճառ դառնալ աշխատանքային պլանների/ ծրագրերի հետաձգման:

15. Օդափոխեք սենյակը

Ձմռանը դա կարելի է անել ընդմիջման ժամին, իսկ մնացած ժամանակ պետք է պատուհանը բաց վիճակում լինի, եթե, իհարկե, հարևանությամբ ավտոմայրուղի կամ որևէ գործարան չկա:

16. Չափից ավելի աշխատասիրությունը հիվանդություն է

Աշխատանքը կյանքի ընդամենը մի մասն է կազմում: Եթե մեկ այլ բնագավառում ձեզ մոտ ժամանակավոր դատարկություն է, ապա լցրեք այն հաճելի ու օգտակար զբաղմունքներով, բայց ոչ միայն ու միայն աշխատանքով:

17. Հանգստություն պահպանեք

Ոչ մի խնդիր կամ արգելք չպետք է վնասի ձեր առողջությանը: Չափավոր և ոչ հաճախ կրկնվող սթրեսը նույնիսկ օգտակար է, բայց մշտական նյարդային լարվածությունը կարող է հրահրել մի շարք հիվանդություններ:

18. Արձակուրդ վերցրեք

Պետք չէ արձակուրդը հետագձել մինչև հաջորդ տարի, այլապես ձեռք կբերեք քրոնիկական հոգնածության համախտանիշ: Հնարավորության դեպքում արձակուրդը բաժանեք մի քանի փուլերի, եթե մեկշաբաթյա հանգիստը լիովին բավարար է:

19. Մոռացեք դեղահաբերի մասին

Եթե ցավում է գլուխը, ապա առաջին հերթին փնտրեք պատճառը. դա կարող է լինել տոթ և չոր օդը, հոգնածությունը կամ շատ մոտ դրված մոնիտորը: Վերացրեք պատճառը և փորձեք հանգստանալ գոնե 5-10 րոպե:

20. Արեք այն, ինչ ձեզ դուր է գալիս

Աշխատանքի, գործընկերների, մասնագիտության հանդեպ մշտական դժգոհությունը սթրեսների, հոգնածության, դյուրագրգռության և այլ տկարությունների պատճառ կարող է հանդիսանալ, ընդհուպ մինչև հիպերտոնիկ հիվանդություն և դեպրեսիա:

21. Հագուստը պիտի բնական գործվածքից լինի

Սինթետիկ հագուստը ոչ միայն տհաճ է, այլև մաշկի համար վտանգավոր, որովհետև վերջինս չի շնչում: Եթե աշխատանքի բերումով ստիպված եք օրական 10 ժամ որևէ կոստյումով մնալ, ապա նախընտրելի է, որ այն լինի բնական գործվածքից:

22. Զբաղվեք սպորտով

Նստակյաց աշխատանքն անհրաժեշտ է փոխհատուցել լրացուցիչ շարժումներով: Գրանցվեք ֆիթնես-ակումբներում, որտեղ կարող եք գնալ աշխատանքից հետո կամ էլ ընդմիջման ժամերին: Ծայրահեղ դեպքում աշխատանքի գնալիս փորձեք երկար քայլել:

23. Ժպտացեք

Ժպտացեք ում ցանկանում եք` գործընկերներին, ղեկավարին, հավաքարարին կամ պահակին: Ապացուցված է՝ ժպիտը նպաստում է էնդորֆինների արտադրմանը, իսկ դրանք տալիս են հանգստության, ուրախության զգացողություն, լավացնում տրամադրությունն ու երկարացնում կյանքը: Իսկ հոգեկան հավասարակշռությունն ամենակարևոր նախապայմանն է:

24. Հարմարավետություն ստեղծեք

Հաճելի ու հարմար աշխատանքը նվազեցնում է սթրեսն ու հոգնածությունը, իսկ հաճելի մթնոլորտը ստեղծում դրական տրամադրվածություն և ցանկություն է առաջանում անընդմեջ վերադառնալ այնտեղ, որտեղ մարդն իրեն լավ է զգում:

25. Որևէ բանով զբաղվեք

Անգործությունը, ինչքան էլ տարօրինակ է, ավելի շատ է հոգնեցնում, քան ծանրաբեռնվածությունը: Դրա համար աշխատանքից ազատ ժամերին զբաղվեք որևէ այլ գործով. օգնեք գործընկերներին, ովքեր ինչ-որ բան չեն հասցնում ավարտել, այցելեք ընկերներին և բարեկամներին, արեք այն, ինչը ձեզ ավելի հոգեհարազատ է:

Հեղինակ` Ն.Ա.