Լավագույն յուղերը մազերը խնամելու և առողջ փայլ հաղորդելու համար

Առողջ փարթամ ու գեղեցիկ վարսեր ունենալու մասին բոլորն են երազում, սակայն քչերն են ճիշտ խնամում գլխամաշկն ու մազերը: Ձեր ուշադրությանն ենք ներկայացնում մազերի համար ամենակարևոր յուղերը, որոնք կսնուցեն գլխամաշկը, կամրացնեն վարսերն ու առողջ փայլ կհաղորդեն:

Ավոկադոյի յուղ (նոսրության դեմ)

Տարիների ընթացքում մարդու վարսերը կորցնում են փարթամությունը, սակայն ավոկադոյի յուղն օգնում է խուսափել այս խնդրից: Այն հարուստ է վիտամիններով ու սննդարար նյութերով, ինչի շնորհիվ խթանում է մազարմատներն ու նպաստում է վարսերի աճին: Բացի այդ, այն պաշտպանիչ շերտ է ստեղծում մազարմատների շուրջը՝ պաշտպանելով մազաթափությունից:

Ձիթապտղի յուղ (չորության դեմ)

Ձիթայուղը հայտնի է իր խոնավեցնող, փափկեցնող ու պաշտպանող հատկություններով, ուստի հիանալի միջոց է մազերի չորության դեմ պայքարի համար: Այս յուղը ներթափանցում է մազերի մեջ ու սնուցում է՝ առողջ ու գեղեցիկ փայլ հաղորդելով դրանց:

Կոկոսյան ընկույզի յուղ (թեփի դեմ)

Այս յուղը սնուցում է վարսերը մեծ քանակությամբ սննդարար նյութերով և ունենում է հակաբորբոքային ազդեցություն՝ միաժամանակ դարձնելով գլխամաշկն ավելի նուրբ ու ազատելով թեփից:

Գերչակի յուղ (աճի խթանման համար)

Այս յուղը շատ արդյունավետ միջոց է մազերի աճը խթանելու համար, սակայն այն խորհուրդ է տրվում կիրառել շատ փոքր քանակությամբ՝ խառնելով մեկ այլ յուղին: Գերչակի յուղը կարելի է խառնել վիտամին E-ի յուղային լուծույթին և մերսելով քսել գլխամշկին: Նման մերսումը կխթանի մազարմատների աշխատանքն ու կնպաստի մազերի աճին:

Արգանական յուղ (գեղեցիկ խոպոպներ ստանալու համար)

Այս յուղը նույնպես հարուստ է բազմաթիվ սննդարար նյութերով և արդյունավետ կերպով խոնավեցնում է մազերն ու գլխամաշկը: Այն լավագույն միջոցն է նուրբ ու գեղեցիկ խոպոպներ ստանալու և մազերին առողջ տեսք հաղորդելու համար:

Նյութի աղբյուրը՝ medikforum.ru