5 միջոց՝ առանց դեղամիջոցների դաշտանային ցավերից ազատվելու համար
Շատ կանանց համար դաշտանային ցավերը պարբերաբար կրկնվող լուրջ խնդիր են: Սակայն գույություն ունեն շատ արդյունավետ մեթոդներ՝ այդ ցավերից ազատվելու համար: Այս մասին գրում է med.tert.am:
5 միջոց՝ դաշտանային ցավերից ազատվելու համար
Որն է դաշտանի ժամանակ նկատվող ցավերի պատճառը
Տհաճ զգացողություններն ու սպազմները, որոնք նկատվում են դաշտանից առաջ ու դրա ընթացքում, առաջանում են արգանդի կծկումների հետևանքով: Սակայն այդ տհաճ զգացողություններից կարելի է ազատվել, իսկ ցավը՝ մեղմացնել:
Դաշտանային ցավերի դեպքում կանայք առաջին հերթին մտածում են ցավազրկող դեցահաբերի մասին, սակայն դրանք ոչ միշտ են արդյունավետ լինում: Բացի այդ, կանանց օրգանիզմը շատ շուտով սկսում է սովորել դրանց ազդեցությանը և ցավազրկողներն անարդյունավետ են դառնում: Սակայն հարկ է նշել, որ տհաճ զգոցողություններից կարելի է ազատվել նաև առանց դեղամիջոցների:
Ինչպես ազատվել դաշտանային ցավերից առանց դեղահաբերի
1. Հնարավորինս թուլացնել մարմինը
Որովայնի ստորին հատվածի ցավը կարող է շատ տհաճ լինել, սակայն անհրաժեշտ է հիշել, որ լարվածությունն ու սթրեսն էլ ավելի են վատացնում վիճակը: Հնարավորության դեպքում հարկավոր է մի փոքր հանգստանալ և ամբողջությամբ թուլացնել մարմինը: Բացի այդ, դաշտանային ցավերը մեղմացնելու համար շատ արդյունավետ են նաև յոգան ու մեդիտացիան:
2. Ֆիզիկական ակտիվություն
Դեռ շատ վաղուց բժիշկներն ապացուցել են, որ դաշտանը շատ ավելի անցավ է անցնում ֆիզիկական ծանրաբեռնվածությունից հետո, ուստի հարակավոր է գտնել որևէ հարմար սպորտաձև, որը կօգնի մեղմացնել ցավը:
3. Երիցուկի և անանուխի թեյ
Երիցուկի օգտակար հատկությունների մասին գիտեն բոլորը: Այս բույսի բուժիչ հատկությունները հայտնի են դեռ անհիշելի ժամանակներից: Այն նաև շատ արդյունավետ է դաշտանային ցավերի ժամանակ, ուստի առաջին իսկ «ախտանշանների» դեպքում կարելի է մի բաժակ երիցուկի թեյ պատրաստել: Ոչ պակաս օգտակար է անանուխի թեյը, որը նաև ունենում է հանգստացնող ազդեցություն:
4. Վիտամինային հավելումներ
Կանանց առողջության ու գեղեցկության պահպանմանը նպաստող հիանալի վիտամինային հավելում կարող են լինել կտավատի սերմերը, որոնք կարելի է ավելացնել շիլաներին, աղցաններին, յոգուրտին կամ թխվածքաբլիթներին: Բացի այդ, շատ կանանց համար դաշտանային ցավերից ազատվելու արդյունավետ միջեց են նաև մագնեզումն ու վիտամին B1-ը:
5. Խորհրդակցել բժշկի հետ
Ուժեղ ցավերը դաշտանի ժամանակ ոչ միշտ են նորմալ: Դրանց առաջացման պատճառն ու խնդրի հնարավոր լուծումը գտնելու համար հարկավոր է խորհրդակցել բժշկի հետ: Որոշ դեպքերում բժիշկը կարող է նույնիսկ հորմոնալ հակաբեղմնավորիչներ նշանակել, որոնք կօգնեն ազատվել սարսափելի ցավերից: Սակայն սա կախված է կնոջ օրգանիզմի և առողջական վիճակի առանձնահատկություններից, ուստի ինքնաբուժությունը կարող է խիստ վտանգավոր լինել:
Նյութի աղբյուրը՝ sunny7.ua