5 տարեկան երեխայի մահվան մասին լուրը չի համապատասխանում իրականությանը․ ԱՆ
Համացանցում պտտվող լուրերը, թե պայթյունի հետևանքով 5 տարեկան երեխա է մահացել, չեն համապատասխանում իրականությանը: Այս մասին հայտարարություն է տարածել Առողջապահության նախարարությունը։
«Հորդորում ենք հետևել պաշտոնական տեղեկատվությանը»,-նշվում է հաղորդագրության մեջ:
Ավելի վաղ հայտնել ենք, որ «Սուրմալու» առևտրի կենտրոնում տեղի ունեցած պայթյունի հետևանքով «Սուրբ Աստվածամայր» ԲԿ ընդունված քաղաքացիներից մի քանիսը ստացել են առաջին բուժօգնություն և գնացել տուն, նրանցից միայն մեկը՝ 5-ամյա մի աղջիկ գտնվում է վերակենդանացման բաժանմունքում, վիճակը կայուն է, կյանքին վտանգ չի սպառնում։
Նյութը ՝ Իրավաբան.net
