Աղիքային ինվագինացիա
Աղիքային ինվագինացիան դա աղիքի մի մասի ներդրումն է մյուսի մեջ: Սովորաբար զարգանում է 6-ից 36 ամսականում և այս տարիքային խմբի աղիքային անանցանելիության ամենատարածված անհետաձգելի բուժում պահանջող հիվանդություն է:
Մայրիկները նկատում են հանկարծակի ուժեղ ցավ՝ որովայնի շրջանում, խիստ անհանգստություն, փսխումներ, երեխան հրաժարվում է սննդից, ավելի ուշ՝ կեղտի և գազերի բացակայություն, արյունալորձային արտադրություն հետանցքից (<<մորու դոնդող>>-ի տեսքով): Յուրաքանչյուր ցավային նոպան, որպես կանոն, տևում է մոտավորապես 5 րոպե և կրկնվում է յուրաքանչյուր 15-20 րոպե հետո:
Կրծքի հասակի երեխաների մոտ ոչ ժամանակին և ոչ ճիշտ սննդային հավելումներով կերակրումը, աղիների բորբոքային հիվանդությունները կարող են առաջացնել ինվագինացիա: Այդ իսկ պատճառով անհրաժեշտ է 6 ամսականից ոչ շուտ նոր սննդի աստիճանական կերակրում, սննդի ծավալի սահուն ավելացում և որպես հավելում հոմոգեն սննդի պատրաստում: Մեծահասակ երեխաների մոտ՝ աղիների նորագոյացությունների և բորբոքային պրոցեսների ժամանակին ախտորոշում և բուժում:
Ինվագինացիայի բուժումը կարող է լինել կոնսերվատիվ կամ վիրահատական:
�Վիրահատական բուժումը լապարոսկոպիկ եղանակով առավել էֆեկտիվ է:
Անհրաժեշտ է անհապաղ դիմել մանկական վիրաբույժի զննման: Ժամանակին և համապատասխան բուժման բացակայության դեպքում կարող է բերել ներդրված աղիքի նեկրոզի: