Դիսմորֆոֆոբիա, վախ` վատ տեսք ունենալուց և որոշ իդեալներին չհամապատասխանելուց
Հավանաբար ձեզանից յուրաքանչյուրը այս կամ այն պահի դժգոհ էր իր արտաքինից: Քիթը ճիշտ ձևի չէ, աչքերը այդքան էլ կարգին չեն: Սակայն գիտե՞ք, որ կա հոգեկան խանգարում, որի արդյունքում մարդը ծայրաստիճան անհանգստանում է իր արտաքին տեսքի անկատարությունից, հակված է իր մեջ գոյություն չունեցող արատներ փնտրել և իր կյանքը կառուցել դրանց շուրջ: Այդ երևույթը կոչվում է դիսմորֆոֆոբիա:
Պարզ ասած դիսմորֆոֆոբիան վախ է վատ տեսք ունենալուց և որոշ իդեալներին չհամապատասխանելուց, ինչը ձեզ պահում է անընդհատ նյարդային լարվածության մեջ:
Այդ խանգարումով տառապող մարդը կարող է երկար ժամեր անցկացնել հայելու առաջ՝ խորհելով իր ուռճացված, եթե ոչ ծաղրի առարկա թերությունների վրա: Ըստ ուսումնասիրությունների, այդպիսի մարդիկ ամենից հաճախ դժգոհ են իրենց քթի, մազերի և մաշկի վիճակից: Դրանից հետո գալիս է քաշը և մկանների վիճակը: Հարկ է նշել, որ ոչ միայն աղջիկները, այլև տղամարդիկ հավասարապես տառապում են այդ խանգարումից: Որն է հիվանդության պատճառը, ժամանակակից գիտությունը չի կարող հաստատ պատասխանել: Սակայն կան որոշ գործոններ, որոնք թույլ են տալիս մեզ խոսել այդ խանգարման ձևավորման մասին՝ մանկության ընթացքում հիվանդի նկատմամբ դաժան վերաբերմունքը, նրա ինտրովերտությունը կամ ժառանգականությունը: Արտաքին տեսքի նկատմամբ ծաղրը հաճախ դառնում է գլխավոր առիթը: Այդ խանգարման ձևավորման մեջ վերջին դերը չեն խաղում տարբեր լրատվամիջոցները, որոնք հեռարձակում են գեղեցկության իրենց տեսլականը, ինչպես նաև այն, ինչ է համարվում թերություն և ինչը՝ ոչ: Դիսմորֆոֆոբիան խանգարում է, որը ներառված է ՀՄԴ -10- ում, ուստի մասնագետը՝ բժիշկ֊հոգեբույժը, պետք է ախտորոշի: Այդ խանգարման որոշ նշաններ են.– Հայելու մեջ նայելու կամ լուսանկարվելու կատեգորիկ մերժում
– Կամ, ընդհակառակը, հայելու մեջ նայելու անընդհատ ցանկություն՝ դիտելով իր թերությունը:
– Հոգեակտիվ նյութերի և ալկոհոլի չարաշահում
– Սոցիալական շփումներից հրաժարում
– Մոլուցքային կիրք դիետաների, ֆիզիկական վարժությունների, պլաստիկ վիրաբուժության և այլնի հանդեպ:
Այդ խանգարումը բուժվում է հիմնականում հոգեթերապիայի միջոցով. ԿՎԹ- ն լավ արդյունքներ է տալիս: Ծանր դեպքերում ձեր բժիշկը կարող է նշանակել հակադեպրեսանտներ: Հիշեք, եթե ձեր քիթը ձեզ դուր չի գալիս, և երբեմն կարծում եք, որ լավ կլինի մի փոքր փոխել այն, ապա, ամենայն հավանականությամբ, խնդիրներ չունեք: Սակայն, եթե դուք կտրականապես խուսափում եք հայելիներից, կամ, ընդհակառակը, շատ ժամեր եք անցկացնում դրանց առջև, և լուսանկարվելիս մտածում եք, որ հիստերիկ եք դառնում, ապա գուցե պետք է մտածեք դիմել մասնագետի:
