Միլանում Ջորջիո Արմանիի ցուցադրությունն անցկացվել է առանց հանդիսատեսի
Հանրահայտ իտալացի դիզայներ Ջորջիո Արմանին որոշել է Միլանի Նորաձևության շաբաթվա իր ցուցադրությունը փակ անցկացնել։ www.kp.ru-ի հաղորդմամբ, դիզայների օգնականը պարզաբանել է, որ նման որոշում է ընդունվել Իտալիայի հյուսիսում կորոնավիրուսի տարածման շուրջ իրավիճակի հետ կապված։
«Որոշել ենք փակ ցուցադրություն անցկացնել առանց հանդիսատեսի, որպեսզի որևէ մեկին ռիսկի չենթարկենք»,- ասել է Արմանիի ներկայացուցիչը։
meduza.io-ն գրում է, որ «Լա Սկալա» թատրոնը հայտարարել է կիրակի օրվանից բոլոր ներկայացումների չեղարկման մասին։
BBC-ն հայտնում է, որ վիրուսային ինֆեկցիայի տարածումը կանխելու նպատակով Վենետիկի իշխանությունները որոշել են ամենամյա կառնավալը ժամկետից վաղ ավարտել: