Friday, March 29, 2024
ՆորություններՏուրիստական նորություններ

Նյու Յորքը ճանաչվել է աշխարհի ամենաթանկ քաղաքը

Բրիտանական The Economist հանդեսի վերլուծական ստորաբաժանման՝ Economist Intelligence Unit-ի (EIU) կողմից կազմված աշխարհի ամենաթանկ քաղաքների վարկանիշային ցուցակում Նյու Յորքն առաջին անգամ զբաղեցրել է առաջին հորիզոնականը:

Այդ մասին հաղորդում է «Արմենպրես»-ը՝ վկայակոչելով BBC-ին:

ԱՄՆ-ի ֆինանսական մայրաքաղաքն առաջին հորիզոնականը կիսել Է Սինգապուրի հետ, որն անցյալում բազմիցս գլխավորել Է այդ վարկանիշային աղյուսակը: Այս երկու քաղաքները նախկին առաջատար Թել Ավիվին մղել են երրորդ հորիզոնական:

Աշխարհի ամենաթանկ քաղաքների առաջատար տասնյակում նաև տեղ են գտել Հոնկոնգը, Լոս Անջելեսը, Ցյուրիխը, Սան Ֆրանցիսկոն, Փարիզը, Կոպենհագենը և Սիդնեյը: Դրա հետ մեկտեղ EIU-ն ապրուստի արժեքի մեծ աճ Է նշում վարկանիշային ցուցակում հայտնված բոլոր քաղաքներում՝ Ուկրաինայի իրադարձությունների և Չինաստանում կորոնավիրուսով պայմանավորված սահմանափակումների հետ կապված:

Գնաճը հատկապես բարձր է եղել Ստամբուլում, որտեղ գները բարձրացել են 86 %-ով, Բուենոս Այրեսում (64 %) և Թեհրանում (57 %):

Դամասկոսը, Տրիպոլին և Թեհրանը ճանաչվել են աշխարհի ամենամատչելի քաղաքները։ 2022 թ.-ի ամենաթանկ քաղաքների տասնյակն ունի հետևյալ տեսքը.

  1. Նյու Յորք
  2. Սինգապուր
  3. Թել Ավիվ
  4. Հոնկոնգ
  5. Լոս Անջելես
  6. Ցյուրիխ
  7. Ժնև
  8. Սան Ֆրանցիսկո
  9. Փարիզ
  10. Սիդնեյ
  11. Կոպենհագեն

Իսկ 2022 թ.-ի ամենամատչելի քաղաքների տասնյակում են հայտնվել հետևյալ քաղաքները.

  1. Կոլոմբո
  2. Բանգալոր
  3. Ալժիր
  4. Չենայ
  5. Ահմեդաբադ
  6. Ալմաթի
  7. Կարաչի
  8. Տաշքենդ
  9. Թունիս
  10. Թեհրան
  11. Տրիպոլի
  12. Դամասկոս

Leave a Reply

x Close

Like Us On Facebook