Պատվաստված քաղաքացիները կորոնավիրուսն ավելի մեղմ ձեւով են տանում. ՀՀ ԱՆ
Վերջին շաբաթների ընթացքում Հայաստանում կորոնավիրուսով վարակվածների թիվը զգալիորեն աճել է։ Այս մասին Կառավարության նիստից հետո լրագրողների հետ զրույցում ասաց ՀՀ առողջապահության նախարար Անահիտ Ավանեսյանը։
Այնուամենայնիվ, ըստ կառավարության ներկայացուցչի, ակնհայտ է, որ պատվաստված քաղաքացիները վիրուսն ավելի մեղմ ձեւով են տանում։ Ընդ որում, ուղեւորությունների սահմանափակումներ չկան, այդ թվում՝ արտասահմանյան։
«Փորձը ցույց է տվել, որ այդ միջոցները միայն հետաձգում են վարակի տարածումը։ Կարեւորը պատվաստվելն է»,- ընդգծեց Ավանեսյանը։
Ուստի, նրա խոսքով, արտասահման մեկնելու համար անհրաժեշտ է ստանալ պատվաստանյութի երրորդ, այսպես կոչված, խթանող դեղաչափը:
«Այնուամենայնիվ, վատագույն սցենարի դեպքում մենք պատրաստ ենք նոր սահմանափակող միջոցների։ Տվյալ դեպքում մենք վարակվածներին ընդունելու համար հիվանդանոցների տեղակայման պլան ունենք»,- ասաց ԱՆ ղեկավարը։
Նա հավելեց, որ այսօր Առողջապահության նախարարությունը կենտրոնացած է 65 տարեկանից բարձր եւ ռիսկային խմբում գտնվող խրոնիկական հիվանդություններով քաղաքացիների պատվաստման վրա։
