Пятница, 29 марта, 2024
Новости

«Հայկական պոպուլյացիայում կրծքագեղձի և ձվարանի ժառանգական քաղցկեղով պացիենտների համար փակ գենետիկան» թեմայով բանախոսություն. Մայք Մուրադյան

Հայ բժիշկների 5-րդ միջազգային բժշկական համագումարի պատվավոր հյուրերից էր Լոս Անջելեսի կալիֆոռնյան համալսարանի Մոլեկուլային գենետիկայի գիտական դոկտոր Մայք Մուրադյանը, ով հանդես եկավ «Հայկական պոպուլյացիայում կրծքագեղձի և ձվարանի ժառանգական քաղցկեղով պացիենտների համար փակ գենետիկական» թեմայով բանախոսությամբ։

Մասնագետի խոսքերով՝ իրենց ուշադրությունը կենտրոնացած է գենետիկ հիվանդությունների կանխորոշման և բուժման վրա։ «Մեր նպատակն է ստուգել ընտանեկան հիվանդություններով տառապողների գենը։ Աշխարհում դա արդեն իրականացվում է, մենք ձգտում ենք այդ փորձը բերել Հայաստան, հատկապես` կանանց դեպքում, որովհետև կանանց շրջանում կրծքագեղձի քաղցկեղը շատ տարածված է։ Պետք է հասկանալ, թե կանանց մոտ ո՞ր գեներն են գերակշռում և որո՞նք են նրանց ազդեցությունները, ինչպես պետք է կանխատեսել, որ կանխենք հիվանդության զարգացումը։ Հարկավոր է գեների թեստի միջոցով հայտնաբերել, ավելի մեծ հաճախականությամբ հետազոտություններ իրականացնել, որպեսզի հնարավոր լինի կանխորոշել ու վաղ փուլում կրծքագեղձը հեռացնել։

Թե ինչու է Հայաստանում կրծքի քաղցկեղով հիվանդներիթիվն այդքան մեծ, Մուրադյանը մեկնաբանեց հետևյալ կերպ.

«Մինչև հայտնաբերում են՝ արդեն ուշ է լինում։ Եթե քաղցկեղը շուտ է հայտնաբերվում, կարելի է այն հեռացնել և շարունակել ապրել 10, 20 տարի։ Ես աշխատում եմ բժշկական գենետիկայի կենտրոնի հետ՝ պրոֆեսոր Թամարա Սարգսյանի գլխավորությամբ, և իրենք էլ փաստում են, որ երիտասարդ տարիքում մարդիկ չեն կարծում, թե կարող են քաղցկեղ ունենալ, բայց շատ են 28, 29 տարեկան քաղցկեղով հիվանդները, որոնք այնքան են ուշացնում հետազոտությունները, որ բուժումը դառնում է անհնարին»,- նշեց նա՝ հավելելով, որ շատ կարևոր է 6 ամիսը մեկ անգամ հետազոտվել։

Նյութը՝   5imca.am

Добавить комментарий

x Close

Like Us On Facebook