113 views

Ածելի, քսուքներ, թելեր, ունելի…Շատերը նյարդայնանում են պարբերաբար կրկնվող մազահեռացման գործողությունը այս միջոցներով կատարելիս և որոշում են էպիլյացիայի միջոցով ազատվել մազերից: Եթե որոշել եք կատարել էպիլյացիա, ապա այս տեղեկատվությունը Ձեզ անհրաժեշտ է: Ի՞նչ է էպիլյացիան: Էպիլյացիան այլընտրանքային ճանապարհով մազահեռացումն է: Ժամանակակից կոսմետոլոգիան առաջարկում է մազահեռացման տարբեր մեթոդներ՝ լազերային էպիլյացիա, ֆոտոէպիլյացիա, էլոս էպիլյացիա և այլն: Սովորաբար արդյունքը նկատելի է դառնում մազահեռացման մի քանի փուլից հետո: Քանի որ մարդկանց օրգանիզմի առանձնահատկությունները տարբեր են, մազահեռացման արդյունավետությունը յուրաքանչյուրի մոտ կարող է տարբեր լինել՝ պայմանավորված մազի հաստությունից, խտությունից, հորմոնալ խնդիրներից: Հարց է առաջանում՝ էպիլյացիայի ո՞ր մեթոդն ընտրել: Ասեղային, ֆոտո- և լազերային, էլոս էպիլյացիա, էլեկտրաէպիլյացիա. մազահեռացման այս ձևերով աշխատանք է տարվում մազարմատի հետ, արդյունքում աստիճանաբար նվազում է մազերի աճը: Օրինակ՝ լազերային էպիլյացիան հեռացնում է մազերը՝ մազի ֆոլիկուլները, լազերային ճառագայթման օգնությամբ։ Ոմանք կարծում են, թե էպիլյացիան կարող է վտանգավոր լինել առողջության համար և հանգեցնել հայտնաբերված հիվանդությունների խորացման: Բժիշկ-կոսմետոլոգ Անի Սիսակյանը նշում է, որ էպիլյացիոն մեթոդները կարող են լինել անվտանգ, եթե կատարվում են ճիշտ. «Եթե լիարժեք ճիշտ է կատարվում էպիլյացիան, ապա անվտանգ է: Նախընտրելի է կատարել էլոս էպիլյացիա, քան լազերային, իսկ էլեկտրաէպիլյացիան ավելի անվտանգ է, բայց այն ընտրելիս հարկավոր է ավելի ուշադիր լինել սանիտարահիգիենիկ պայմաններին»,-ասում է բժիշկ-կոսմետոլոգը: Ասեղային էպիլյացիան կիրառելի է մարմնի բոլոր հատվածներում: Էպիլյացիայի այս ձևը, ի տարբերություն մյուսների, ցավոտ է. ըստ անհրաժեշտության՝ կատարվում է տեղային ցավազրկում: Անհրաժեշտ է խուսափել խալերի շրջանում ասեղային էպիլյացիա կատարելուց: Ներկայումս մեծ տարածում է ստացել նաև մազահեռացման էլոս էպիլյացիայի տարբերակը: Գործողության ընթացքում տաքացվում և քայքայվում է մազի ֆոլիկուլը: Տղամարդիկ ևս օգտվում են մազահեռացման ծառայություններից՝ նախապատվությունը տալով անութափոսերի, մեջքի և կրծքավանդակի էպիլյացիային: Ô»Õ¶Õ¹ÕºÕ¥ÕžÕ½ ÕºÕ¥Õ¿Ö" Õ§ Õ¶Õ¡Õ­Õ¡ÕºÕ¡Õ¿Ö€Õ¡Õ½Õ¿Õ¾Õ¥Õ¬ Անհրաժեշտ է էպիլյացիա կատարելուց առաջ և հետո արևայրուք ընդունած չլինել: Մաշկի այն հատվածը, որտեղ պետք է կատարվի էպիլյացիա, հարկավոր է սափրել, քանի որ գործողությունը կատարվում է մազարմատի հետ: Նկատված մաշկային կամ վարակիչ հիվանդությունների, հորմոնալ խնդիրների պարագայում պետք է կատարել համապաստախան հետազոտություններ, խորհրդակցել կոսմետոլոգի և մաշկաբանի հետ (կանայք՝ նաև գինեկոլոգի): Չի կարելի էպիլյացիա անել, երբ... Ֆոտոէպիլյացիան հակացուցված է նրանց, ովքեր շաքարային դիաբետ, քաղցկեղ, ինչպես նաև մաշկային հիվանդություններ ունեն: Էպիլյացիայի գրեթե բոլոր ձևերը չի կարելի կիրառել հղիության և դաշտանային ցիկլի շրջանում, այն հատվածներում, որտեղ կան թարախային շերտեր, լայնացած անոթներ, խալեր: Էլոս էպիլյացիան խորհուրդ չի տրվում կրծքով կերակրող մայրերին, արյան, մաշկային, ալերգիկ հիվանդություններ ունեցողներին, ինչպես նաև զարկերակային ճնշման, շաքարային դիաբետի խնդիր ունեցողներին ևս: Լազերային էպիլյացիա չի կարելի կատարել վարակիչ հիվանդությունների, էպիլեպսիայի դեպքում: ÕŠÕ¥Õ¿Ö" Õ§ Õ¸Ö'Õ·Õ¡Õ¤Õ«Ö€ Õ¬Õ«Õ¶Õ¥Õ¬ Առողջական խնդիրներից խուսափելու համար անհրաժեշտ է պարբերաբար խորհրդակցել համապատասխան բժիշկների հետ: Հետևել բոլոր ցուցումներին, պահպանել կանոնները, որոնք նախատեսված են էպիլյացիայից առաջ և հետո: Ուշադիր լինել սանիտարահիգիենիկ պայմաններին (հատկապես գեղեցկության սրահներում), օգտագործվող սարքերին: Անհրաժեշտության դեպքում մասնագետին հիշեցնել դրանց մաքրության մասին: Պատրաստեց՝ Սոնա Շահվերդյանը Աղբյուրը՝ Doctors.am