71 views

Այս ծրագիրն իրականցվեց Արցախի հանրապետության Առողջապահության նախարարության հետ համատեղ և նախաձեռնությունը կրելու է շարունակական բնույթ: «Իզմիրլյան» ԲԿ շարունակում է իր աշխատանքները ի շահ ազգաբնակչության` հավատարիմ մնալով իր սկզբունքին. բարձրակարգ բուժում՝ միջազգային չափորոշիչներին համապատասխան: «Իզմիրլյան» ԲԿ բժիշկները կատարեցին 800-ից ավելի խորհրդատվություններ և 19 վիրահատություններ՝ արցախյան բժիշկների հետ համատեղ: «Իզմիրլյան» բժշկական կենտրոնից Արցախ են ժամանել օրթոպեդ-վնասվածքաբան, ընդհանուր վիրաբույժ, ուրոլոգ, պրոկտոլոգ, գաստրոէնտերոլոգ, քիթ-կոկորդ-ականջաբան, նյարդաբան, էնդոկրինոլոգ, համակարգչային տոմոգրաֆիստ, սոնոգրաֆիստ, թոքաբան, ինչպես նաև Մոր և մանկան առողջության պահպանման կենտրոնում` գինեկոլոգ և Մաշկավեներոլոգիական դիսպանսերում` մաշկաբան: Սեպտեմբերի 23-ին «Սանոֆի» դեղագործական ընկերության կողմից կազմակերպված սեմինարին հանդես եկան իրենց զեկույց-ներկայացումով «Իզմիրլյան» ԲԿ-ի տնօրեն, պրոֆեսոր՝ Արմեն Չարչյանը և վնասվածքաբան-օրթոպեդ՝ Ստեփան Մաթոսյանը: «Իզմիրլյան» բժշկական կենտրոնի տնօրեն, ԵՊԲՀ վնասվածքաբանության և օրթոպեդիայի ամբիոնի վարիչ, բ.գ.դ. պրոֆեսոր Արմեն Չարչյանը հանդես է եկել «Թրոմբոէմբոլիաների կանխարգելումը վնասվածքաբանությունում և օրթոպեդիայում» թեմայով: Բանախոսը Արցախի բժիշկներին ծանոթացրել է բժշկության առկա վերջին նվաճումներին: Պրոֆեսոր Չարչյանը ներկայացրել է այցի նպատակը՝ կոնսուլտատիվ ախտորոշիչ անվճար բուժօգնություն ցույց տալ բնակչությանը, համատեղ վիրահատություններ կատարել, իրականցնել ուսումնական և գիտական փորձի փոխանակում: Արցախի «Հանրապետական» հիվանդնոցում արցախցի բժիշկների համար իր փորձով հանդես եկավ «Իզմիրլյան» ԲԿ թոքաբան Մարինե Պետրոսյանը: Նյութի աղբյուրը՝Izmirlian Medical Center