75 views

Ծխելու դեմ պայքարի շարժումն այսուհետև կընթանա հանրության շրջանում հավանության արժանացած պատկերանշանով։ Այն պաշտոնապես ներկայացնելով` ՀՀ ԱՆ առողջապահության ազգային կենտրոնի տնօրեն Ալեքսանդր Բազարչյանը կարևորել է, որ հանրային վայրերում ծխելն արգելող այս պատկերանշանը, հավանության արժանանալով նաև սոցիալական ցանցերում, մեծ տարածում է ստացել։ «Ստեղծարար այս խումբն իսկապես նորարարական մոտեցում է ցուցաբերել և ներքին համոզվածությամբ ու հոգի դնելով է այս գործն արել»,-ասել է Ալեքսանդր Բազարչյանը։ «Դոպինգ» ստեղծագործական ընկերության հիմնադիր տնօրեն Հայկ Սիմոնյանի խոսքով` խորհրդանշանի ստեղծման գաղափարը ծնվել է անցած տարվա մայիսի վերջին, երբ առողջապահության նախարարությունը Ծխախոտի դեմ պայքարի միջազգային օրվա շրջանակներում կազմակերպվող միջոցառումների ընթացքում շեշտեդրում էր պասիվ ծխողներին ծխից զերծ պահելու անհրաժեշտությունը։ Խորհրդանշանի ստեղծման գաղափարախոսությունը ներկայացվել է «Դոպինգ» կազմակերպության նկարահանած տեսահոլովակով։ Հայաստանում ծխում է բնակչության 27,9 տոկոսը, մնացած 72,1 տոկոսը հասարակական վայրերում և տներում դառնում են պասիվ ծխողներ։ Հաշվի առնելով ճանապարհային երթևեկության նշանների նկատմամբ զգուշավորության բարձր մակարդակը` մուտքն արգելող նշանի վրա արտահայտվել է ծխողների և պասիվ ծխողների տոկոսային համակցությունը։ Արդյունքում ստեղծվել է հասարակական վայրերում ծխելն արգելող այս նշանը։ Լինել պասիվ ծխող, թե ակտիվ չծխող` որոշումը ձերն է։ Պատկերանշանը որպես նվեր ընդունելու «Դոպինգի» առաջարկը սիրով ընդունվել է նախարարության կողմից։ Նշենք, որ պատկերանշանը հաջողություն է գրանցել ինչպես տեղաբնակ, այնպես էլ զբոսաշրջիկներից կազմված ֆոկուս խմբերում։ Այն արժանացել է նաև Երևանի մի խումբ հանրային սննդի օբյեկտների հավանությանը, իսկ առանձին փաբեր նույնիսկ այդ պատկերանշանով «առանց ծխախոտի» օրեր են կազմակերպել։ Այս պատկերանշանն անցած տարվա նոյեմբերին կայացած Երևանի արտաքին գովազդի փառատոնում արժանացել է մրցանակի` բարձր գնահատական ստանալով միջազգային փորձագետների կողմից։ Հեղինակները պատրաստվում են պատկերանշանը ներկայացնել մի շարք գովազդային հեղինակավոր փառատոների։ ÕŠÕ¡Õ¿Õ¯Õ¥Ö€Õ¡Õ¶Õ·Õ¡Õ¶Õ« Õ£Õ¡Õ²Õ¡ÖƒÕ¡Ö€Õ¡Õ­Õ¸Õ½Õ¸Ö'Õ©ÕµÕ¸Ö'Õ¶Õ¨` Õ°Õ¸Õ¬Õ¸Õ¾Õ¡Õ¯Õ¸Ö'Õ´ https://www.youtube.com/watch?v=_RYwZGTtrAA