175 views

Օրխիտը պաթոլոգիական վիճակ է, որի ժամանակ տեղի է ունենում ամորձիների հյուսվածքների բորբոքում: Պրոցեսը կարող է ազդել մեկ կամ երկու ամորձիների վրա: Զարգացման հիմնական պատճառներն են՝ վարակիչ հիվանդությունները և վնասվածքները։ Օրխիտը որպես անկախ պաթոլոգիա հազվադեպ է հանդիպում։ Շատ դեպքերում այն զարգանում է օրգանիզմում ընդհանուր բորբոքային պրոցեսի ֆոնին կամ փոշտի շրջանի մեխանիկական վնասվածքի հետևանքով: Ամենից հաճախ օրխիտը հայտնաբերվում է 10-ից 14 տարեկան դեռահաս տղաների, ինչպես նաև սեռական ակտիվ երիտասարդ տղամարդկանց մոտ: Հիվանդության կլինիկական նշանները բազմազան են և կախված են բորբոքային պրոցեսի պատճառներից, հիվանդության ձևից և ծանրությունից: Երեխաների մոտ սուր օրխիտի դասական ախտանիշներն են՝ • ուժեղ, սուր ցավ ամորձիներում, • մարմնի ընդհանուր և տեղային ջերմաստիճանի բարձրացում, • սրտխառնոց, երբեմն փսխում, • փոշտի չափերի մեծացում, • փոշտի շրջանի կարմրություն, այտուցվածություն, • սպեցիֆիկ արտադրություն միզուկից, • աճուկային շրջանի ավշային հանգույցների մեծացում։ Քրոնիկ օրխիտը դրսևորվում է միայն հիվանդության սրացման շրջանում։ Երեխան գանգատվում է ամորձիների ուժեղ ցավից ձգող կամ բութ բնույթի ։ Այն ուժեղանում է դեֆեկացիայի ժամանակ, ֆիզիկական ծանրաբեռնվածության ժամանակ։ Որպես կանոն, բարձրանում է մարմնի ջերմաստիճանը, մեծանում են աճուկային ավշային հանգույցները, երեխան դառնում է թույլ, քնկոտ, գանգատվում է թուլությունից և հոգնածությունից։ Կոնսերվատիվ բուժման արդյունքի բացակայության դեպքում, թարախային բարդությունների կամ ծանր օրխիտի զարգացման բարձր ռիսկերով, ցուցված է վիրաբուժական բուժում։ Նյութը՝ Dr. Samvel Martikyan / Սամվել Մարտիկյան