Այսօր թոքերի քրոնիկ օբստրուկտիվ հիվանդության դեմ պայքարի համաշխարհային օրն է
Նկատե՞լ եք հևոց, քրոնիկ հազ` հաճախ խորխարտադրությամբ, օդի պակասի զգացողություն, ֆիզիկական ակտիվության սահմանափակում, ստորին շնչառական ուղիների կրկնվող վարակներ: Այդ նշանները կարող են խոսել թոքերի քրոնիկ օբստրուկտիվ հիվանդության (ԹՔՕՀ) մասին, որը տարածված և բուժելի հիվանդություն է, բայց հաճախ չի հայտնաբերվում ժամանակին 
:
Այսօր #թոքերի քրոնիկ օբստրուկտիվ հիվանդության դեմ պայքարի համաշխարհային օրն է, թեման. «Շնչառության դժվարության դեպքում մտածեք թոքերի քրոնիկ օբստրուկտիվ հիվանդության մասին»: Այն նպատակ ունի ընդգծելու, որ չնայած ԹՔՕՀ-ը աշխարհում մահվան երրորդ ամենատարածված պատճառն է, այն հաճախ մնում է թերախտորոշված։
ԹՔՕՀ-ը կանխարգելելի և բուժելի հիվանդություն է, սակայն թերախտորոշումը կամ սխալ ախտորոշումը հանգեցնում են նրան, որ պացիենտները չեն ստանում համապատասխան բուժում։ Հիվանդությունը զարգանում է դանդաղ, և շատերը բժշկին են դիմում բավականին ուշ:
Հիվանդության զարգացման ռիսկի գործոններն են`
ծխելը (80-90%) օդի ախտոտվածությունը մասնագիտական հիվանդությունները ժառանգական նախատրամադրվածությունը տարիքը՝ 40-ից բարձր սեռը արական:
ԹՔՕՀ-ի կառավարման համար կարևոր է՝ դադարեցել ծխելը , կանոնավոր ֆիզիկական ակտիվությունը, շնչառական վարակների դեմ պատվաստումները:
