Առաջին անգամ Հայաստանում կանցկացվի «Օստեոպորոզի հիմնական սկղբունքները» ուսուցողական դասընթաց

Առաջին անգամ Հայաստանում կանցկացվի «Օստեոպորոզի հիմնական սկղբունքները» ուսուցողական դասընթաց,  որտեղ կքննարկվեն ոսկրային դենսիտոմետրիային նվիրված հարցերը։ Այս միջոցառումը կազմակերպվում է Միջազգային Օստեոպորոզի Հիմնադրամի և Կլինիկական Դենսիտոմետրիայի Միջազգային Միության կողմից։ Դասընթացը կվարեն Եվրոպայի և Միացյալ Նահանգների լավագույն մասնագետները։ Միջոցառումը տեղի կունենա Հոկտեմբերի 3 – 4 , 2017-ին Երևանում ` ՄՈՐ ԵՎ ՄԱՆԿԱՆ ԱՌՈՂՋՈՒԹՅԱՆ ՊԱՀՊԱՆՄԱՆ ԳԻՏԱՀԵՏԱԶՈՏԱԿԱՆ ԿԵՆՏՐՈՆԻ նիստերի դահլիճում։ Հասցե՝ Մաշտոցի պող., 22 շենք.

Դասընթացը նախատեսված է ինչպես  բուժող մասնագետների, այնպես էլ տեխնիկական մասնագետների, ռադիոլոգների համար։ Այն ընդգրկում է օստեոպորոզի պաթոֆիզիոլոգիան, հայտնաբերման սկզբունքները և ոսկրային խտության չափումների պրակտիկ հարցերը։

Վերջին 10 տարիների ընթացքում, Կոլումբիայի Համալսարանի պրոֆեսոր, Ջոն Բիլեզիկիանի շնորհիվ, Հայաստանը ձեռք է բերել ոսկրային խտությունը չափելու հնարավորություն 10 տարբեր կենտրոններում։ Այս սարքերը տեղադրված են  ինչպես Հայաստանում, այնպես էլ Լեռնային Ղարաբաղում։

Նյութի աղբյուրը ՝news.am