Ինչպե՞ս կանխարգելել շագանակագեղձի հիվանդությունները

Շագանակագեղձը տղամարդու վերարտադրողական համակարգի գեղձային օրգան է, որը կարևոր դեր է խաղում միզասեռական համակարգի բնականոն գործունեության պահպանման գործում: Շագանակագեղձի հիվանդությունները տարածված են հատկապես 40 տարեկանից բարձր տղամարդկանց շրջանում։ Հիվանդությունների վաղ հայտնաբերումը կարևորագույն նշակություն ունի ինչպես արդյունավետ բուժման, այնպես էլ` բարդությունների կանխարգելման համար:

Որո՞նք են շագանակագեղձի հիմնական հիվանդությունները․

Շագանակագեղձի բարորակ գերաճ (BPH), որը կապված չէ քաղցկեղային փոփոխությունների հետ:

Ախտանիշներն են.

հաճախամիզություն` և՛ ցերեկային, և՛ գիշերային ժամերին,

դժվարամիզություն, հատկապես միզարձակության սկզբում,

մեզի շիթի թուլացում,

ընդհատվող միզարձակություն ,

միզապարկի ոչ լրիվ դատարկվելու զգացում։

Ռիսկի գործոններն են․

ժառանգականությունը, տարիքը, հորմոնալ փոփոխությունները, կենսակերպը։

Շագանակագեղձի բորբոքում (պրոստատիտ), որը կարող է լինել սուր կամ քրոնիկ:

Ախտանիշներն են.

ցավեր որովայնի ստորին հատվածում,

ցավոտ միզարձակություն,

դող-սարսուռ, մարմնի ջերմության բարձրացում (սուր պրոստատիտի դեպքում)։

Շագանակագեղձի քաղցկեղ, որը զարգանում է շագանակագեղձի հյուսվածքներից:

Ախտանիշներն են․

դժվարամիզություն (թույլ արտահայտված վաղ փուլերում),

արյան առկայություն մեզի կամ սերմնահեղուկի մեջ,

ոսկորային ցավ, ընդհանուր թուլություն (ուշ փուլերում)։

Ռիսկի գործոններն են.

50 տարեկանից բարձր տարիք,

ժառանգականություն,

ճարպակալում:

Ինչպե՞ս կանխարգելել շագանակագեղձի հիվանդությունները

Առողջ ապրելակերպ. կանոնավոր ֆիզիկական ակտիվություն, բանջարեղենով, մրգերով և բջջանյութով հարուստ հավասարակշռված սնունդ:

Սահմանափակել ալկոհոլը, չծխել, խուսափել մրսածությունից։

Կանխարգելիչ միջոցառումների իրականացումն առանցքային դեր ունի տղամարդու առողջության պահպանման գործում:

ՀՀ ԱՆ Խորրդատու ուրոլոգիայի գծով

Արթուր Գրաբսկի