Ու՞մ է ցուցված դիմելու ՄԻԱՎ-ի հետկոնտակտային կանխարգելման
Եթե անձն ունի ՄԻԱՎ-ով վարակման բարձր վտանգ, կոնտակտից հետո 72 ժամվա ընթացքում կարող է դիմել հետկոնտակտային կանխարգելման, որն իրականացվում է հակառետրովիրուսային դեղերի օգտագործմամբ:
Այս տարվանից ՄԻԱՎ-ի հետկոնտակտային կանխարգելումն իրականացվում է պետպատվերի շրջանակում:
ՄԻԱՎ-ի հետկոնտակտային կանխարգելման տևողությունը 4 շաբաթ է:
Ու՞մ է ցուցված դիմելու հետկոնտակտային կանխարգելման:
Այն անձանց, ովքեր սերտ կոնտակտ են ունեցել ՄԻԱՎ վարակ ունեցողի` պոտենցիալ վտանգավոր հեղուկների, լորձաթաղանթների, վնասված մաշկի հետ:
Արդյունավե՞տ է
Կախված է մի շարք գործոններից, այդ թվում` կանխարգելումն իրականացնելու ժամկետից. իդեալական դեպքում պետք է սկսել կոնտակտից 4 ժամ չանցած, բայց ոչ ուշ քան 72 ժամը:
Ի՞նչ է ներառում հետկոնտակտային կանխարգելումը.
խորհրդատվություն, լաբորատոր ախտորոշիչ հետազոտություններ, կանխարգելիչ ՀՌՎ բուժման տրամադրում:
Ո՞վ կարող է օգտվել ծառայությունից:
Բոլորը՝ անկախ քաղաքացիությունից։
Ու՞ր դիմել հետկոնտակտային կանխարգելման համար:
Հետկոնտակտային կանխարգելումն իրականացվում է NCID/ Ինֆեկցիոն հիվանդությունների ազգային կենտրոն-ում:
