35 դիտում

Նորվեգական ընկերության կողմից կառուցվող Somnio զբոսանավը, որն աշխարհում խոշորագույն մասնավոր նավերից մեկն է լինելու, ունի 221.8 մետր երկարություն և շահագործման կհանձնվի 2024 թվականին: Այս մասին գրում է CNN -ը՝ ներկայացնելով, թե ինչպիսի տեսք կունենա այն ներսից: 600 մլն դոլար արժողությամբ նավի ներքին ձևավորումը պատկերող լուսանկարները նոր են հրապարակվել՝ գաղտնազերծելով շքեղ «ծովային բնակավայրի» առանձնահատկությունները: Այն համարվում է ամենամեծ բնակելի զբոսանավը: Նավը բաղկացած է 39 լյուքս դասի սենյակ-բնակարանից, որոնցից յուրաքանչյուրն ունի անհատական ձևավորման հնարավորություն: Դրանցից շատերն ունեն դեպի օվկիանոս բացվող տեսարան կամ անհատական բացօթյա պատշգամբ, խեցու տեսքով մահճակալներ, պատի երկարությամբ տեղադրված հայելիներ: Սենյակների գները մեկնարկելու են 11 մլն դոլարից: Դրանցից ամենամեծը գրեթե ամբողջությամբ զբաղեցնում է տախտակամածի վերնամասը: Somnio-ն, որը լատիներենից թարգմանաբար նշանակում է «երազանք», նախագծվել է Winch Design և Tillberg Design of Sweden ընկերությունների կողմից: Նավում գինելու է մարզասրահ, գրադարան, սպա կենտրոն, կինոթատրոն, ռեստորաններ, լողափնյա ակումբ, փակ և բացօթյա ճաշասրահներ, հանդերձարաններ, ընդարձակ հյուրասրահ՝ 270 աստիճանով բացվող տեսարանով: Նավում լինելու է նաև 10 000 շիշ տեղավորելու հնարավորությամբ գինու մառան և համտեսի սրահ: Նշվում է, որ սենյակների սեփականատերերի ինքնությունը գաղտնի կպահվի: Նրանցից տարեկան վարձավճար կգանձվի վերանորոգման աշխատանքների համար: