Ի՞նչ է հարկավոր պարտադիր սովորեցնել երեխային
Իր բնակության վայրի հասցեն, ծնողի հեռախոսահամարը
Ճանապարհային անվտանգության կանոնները
Նախապես քննարկել, որ խանութում, փողոցում կամ որևէ այլ տեղ կորչելու դեպքում , հարկավոր է կանգնել նույն տեղում և սպասել, մինչ ծնողը կգտնի իրեն, այլ ոչ թե սկսել փնտրել ծնողին:
Սովորեցրեք երեխային ճանաչել իր անձնական սահմանները, սովորեցրեք, որ չի կարելի թույլ տալ, որ անծանոթը համբուրի, կամ ձեռք տա իր մարմնի որևէ մասին:
Սովորեցրեք, որ չի կարելի օգտվել ուրիշների իրերից՝ ատամի խոզանակ, սանր, բաժակ…
Սովորեցրեք թե ինչ պետք է անել առաջին հերթին միջատի կամ կենդանու կծելու դեպքում
առաջին բուժօգնության որոշ կանոններ սովորեցրեք, օրինակ, թե ինչպես կարելի է արագ կանգնեցնել արնահոսությունը
սովորեցրեք, որ ամոթ չէ մարդկանց չէ ասելը, եթե դրա կարիքը կա։
