Այսօր Գրկախառնության միջազգային օրն է
Հունվարի 21-ին ամբողջ աշխարհում նշվում է Գրկախառնության միջազգային օրը (International Hug Day): Այն սկիզբ է առել ԱՄՆ-ում՝ 1986թ.-ին, ապա տարածվել ամբողջ աշխարհով:
Տոնի ավանդույթի համաձայն՝ այդ օրը կարելի է բարեկամաբար գրկախառնվել նույնիսկ անծանոթների հետ: Տոնի մտահղացման հեղինակի անունը հայտնի չէ, սակայն համարվում է, որ դրա նախաձեռնողն ուսանողներն են եղել:
Հատկանշական է, որ այս օրը տոնելու համար ոչ մի նյութական ծախս չի պահանջվում: Հարկավոր է միայն սեփական ջերմությամբ առատորեն վարձատրել բոլոր նրանց, ում կարևոր եք համարում:
Գրկախառնության համար կա ևս մի օր՝ դեկտեմբերի 4-ը, որը ձևավորվել է նախորդ դարի 70-ական թվականներին, սակայն պակաս տարածում ունի:
Հոգեբանների կարծիքով՝ մարդիկ, որոնք ուզում են գրկախառնվել, ապահովության զգացումի, սիրո և ջերմության կարիք ունեն։
