Թմրամիջոցների գործածման հետևանքերն

Թմրամիջոցների գործածումը զրկում է անձին իր հիմնական զբաղմունքներից, հետաքրքրություններից և պարտականություններից, ինչը հասարակությունից, ընտանիքից աստիճանական օտարացման, միջանձնային, աշխատանքային և ներընտանեկան կապերի խզման պատճառ է դառնում:

Թմրամիջոցների գործածման հետևանքերն են`

Թմրամիջոցի

առաջին իսկ գործածումը կարող է առաջացնել սուր ինտոքսիկացիա` «գերդոզավորում», հավանական մահվան ելքով,

պարբերական գործածումն առաջացնում է ծանր կախվածության համախտանիշ՝ արտահայտված հիվանդագին հակում,

ծանր հոգեախտաբանական խնդիրներ՝ ընկալման, մտածողության, գիտակցության ոլորտների խանգարումներ, տրամադրության խանգարումներ, սուիցիդալ մտքեր, հնարավոր է անգամ ինքնասպանություն,

հոգեկան խանգարումներ, որոնց դեպքում անհրաժեշտ է ոչ միայն թմրաբանական, այլև` հոգեբուժական օգնություն,

առողջական ծանր հետևանքներ՝ սրտանոթային, նյարդային, շնչառական, մարսողական համակարգերի, արյան շրջանառության խանգարումներ, ֆլեգմոնաներ, աբսցեսներ,

արյան միջոցով փոխանցվող վարակիչ հիվանդությունների՝ հեպատիտ Բ, Ց-ի և ՄԻԱՎ-ի տարածում,

բարդություններ` հղիության և ծննդաբերության ընթացքում. մեծանում է բնածին արատների առաջացման ռիսկ,

թմրամիջոցի հերթական չափաբաժինն ընդունելու անհաղթահարելի պահանջ,

ծանր զրկանքի համախտանիշ՝ արտահայտված մկանացավերով, քնի խանգարումով և այլ ծանր ախտանշաններով։