Ինչպես պայքարել մազաթափության դեմ
Մազաթափությունը (ալոպեցիան) կարող է առաջանալ տարբեր պատճառներով, այդ թվում՝
• Ժառանգական գործոններ
• Հորմոնալ փոփոխություններ
• Սննդային անբավարարություն
• Սթրես
• Վարակներ կամ որոշակի հիվանդություններ
Մազաթափության տեսակները տարբեր են՝
• Քրոնիկ մազաթափություն՝ կարելի է բուժել։
• Ռեակցիոն մազաթափություն՝ կարող է վերականգնվել։
• Անդրոգեն ալոպեցիա՝ հնարավոր է միայն դանդաղեցնել դրա զարգացումը։
Խորհուրդներ՝ մազերի առողջության համար
Մի հապաղեք դիմել մասնագետի։
Մաշկաբանը, գլխամաշկի մասնագետը կամ առաջնային օղակի բժիշկը կօգնեն ախտորոշել մազաթափության տեսակը և խորհուրդ կտան համապատասխան խնամք։
Օգտագործեք խնամքի նուրբ միջոցներ
Փոխարինեք կոշտ շամպուններն ու ու կոնդիցիոներները ավելի նուրբ տարբերակներով։ Լոսյոնները, դիմակներն ու այլ միջոցները պետք է նպաստեն գլխամաշկի առողջացմանը։
Խուսափեք մազի ագրեսիվ խնամքից
Չափից շատ ձիգ հարդարումները, ագրեսիվ սանրվելը և հաճախակի ներկումը կարող են վնասել մազերին, դարձնելով դրանք փխրուն և նպաստելով մազաթափությանը։
Մերսեք գլխամաշկը ամեն օր։
Նույնիսկ 2 րոպե մերսումը բավարար է արյան շրջանառությունը խթանելու և մազերին անհրաժեշտ սնուցում ապահովելու համար։
Հետևեք հավասարակշռված սննդակարգի։
Վիտամիններն ու միներալները կարևոր դեր ունեն մազերի առողջության մեջ։
Սեզոնային փոփոխությունների ժամանակ խորհուրդ է տրվում օգտագործել սննդային հավելումներ՝ վիտամինների և միներալների պակասը կանխարգելելու համար։
