21 դիտում

Õ"Õ« Õ¹Õ¡Ö€Õ¡Õ·Õ¡Õ°Õ¥Ö" Õ½Õ¯Ö€Õ¡Õ¢Õ¥Ö€Õ¨ Սկրաբի կամ պիլինգի չարաշահումն ամենատարածված սխալներից է մարդկանց շրջանում, որոնք պայքարում են մաշկի չորության դեմ։ Թեփոտությունից ազատվելը չի լուծի մաշկի չորության խնդիրը, այլ այն տրավմայի կենթարկի, այն ավելի կչորացնի եւ կարող է բորբոքման պատճառ դառնալ։ Դա վերաբերում է ինչպես սկրաբերին, այնպես էլ թթվային պիլինգներին։ Մասնագետները խորհուրդ են տալիս դրանք շաբաթվա ընթացքում երկու անգամից ավելի չօգտագործել․ դա բավարար է արդյունավետ շերտազատման համար եւ անվտանգ է մաշկի համար։ Լվացվելու միջոցներ օգտագործեք, որոնք սուլֆատներ չեն պարունակում Այո՛, սուլֆատներ կարող են պարունակել ոչ միայն շամպունները, այլեւ լվացվելու միջոցները։ Sodium Laureth sulfate-ն (SLS) արդյունավետ է, բայց նուրբ մաքրող բաղադրիչ չէ։ Այն ոչ միայն կհեռացնի դիմահարդարման մնացորդներն ու կեղտը, որոնք հավաքվել են օրվա ընթացքում, այլեւ կվնասի մաշկի պաշտպանիչ շերտը։ Արդյունքում կունենաք չոր, գրգռված մաշկ։ Եթե տեսնում եք, որ լվացվելու ձեր միջոցը սուլֆատներ է պարունակում, մի վախեցեք․ իրավիճակը կարելի է շտկել։ Պարզապես սովորություն դարձրեք կոսմետիկա ձեռք բերելիս կարդալ բաղադրությունը։ Ô½Õ¶Õ¡Õ´Ö"Õ¶ Õ¡Ö€Õ¡Õ£ Õ¡Ö€Õ¥Ö" Խնամքի ընթացքում ընդմիջումներ անել պետք չէ։ Լվացվելու ցանկացած միջոց (նույնիսկ լավ բաղադրությամբ), այսպես թե այնպես, չորացնում է մաշկը։ Այդ պատճառով լվացլեկուց անմիջապես հետո հարկավոր է տոներ օգտագործել։ Եթե մի քանի րոպե դանդաղեք, մաշկում ջրազրկման պրոցես կսկսվի, կառաջանա չորության եւ ձգվածության զգացում։ Սովորություն դարձրեք․ նախ լվացվեք, օգտագործեք տոներ, խոնավեցնող քսուք, ինչից հետո միայն կարելի է անցել մյուս գործերին։ Ի դեպ, եւս մեկ օգտակար սովորություն․ավելի լավ է տոները քսել մի փոքր խոնավ մաշկին․ դա կօգնի պահպանել խոնավությունն ու մաշկին փայլ կհաղորի։ Ô³Õ«Õ·Õ¥Ö€Õ¡ÕµÕ«Õ¶ Ö"Õ½Õ¸Ö'Ö" Ö…Õ£Õ¿Õ¡Õ£Õ¸Ö€Õ®Õ¥Ö" Շատերն են հրաժարվում գիշերային քսուքից՝ նշելով, թե «մաշկը պետք է շնչի»։ Իրականում եթե քսուքը լավ բաղադրություն ունի, մաշկին չի զրկի շնչելու հնարավորությունից, իսկ քսուքի բացակայությունը նկատելիորեն կվատացնի մաշկի չորության հետ կապված վիճակը։ Խորհուրդ չի տրվում նաեւ ցերեկային քսուքն օգտագործել գիշերայինի փոխարեն․ դրանք տարբեր բաղադրություններ, գործառույթներ ունեն եւ չեն կարող փոխարինել մեկը մյուսին։ Միշտ SPF օգտագործեք Շատերն են շարունակում ամբողջ տարվա ընթացքում SPF չօգտագործել, թեեւ դրա անհրաժեշտության մասին վաղուց է խոսվում։ Ուլտրամանուշակագույն ճառագայթումը վնասում է մաշկը՝ այն դարձնում չոր ու անփայլ, արագացնում է ծերացման գործընթացը եւ հիպերպիգմենտացիա առաջացնում։ Բացի այդ՝ արեւի լույսը կարող է նաեւ միկրովնասվածքների պատճառ դառնալ եւ որպես հետեւանք՝ կնկատվեն թեփոտություն ու բորբոքումներ։ Արեւապաշտպան ֆլյուիդներ օգտագործեք․ դրանք մաշկին գրեթե չեն զգացվում եւ այն հուսալիորեն պաշտպանում են UV ճառագայթումից։ Աղբյուրը՝ Bazaar Լուսանկարը՝ Getty Images