81 views

Չորացրած արմավը հրաշալիորեն փոխարինում է կոնֆետին։ Այն քաղցր է, քիչ կալորիաներ, մեծ քանակով բջջանյութ է պարունակում, ինչը նպաստում է աղիների մաքրմանը։ Արմավն ամրացնում է իմունիտետը, խորհուրդ է տրվում օգտագործել մրսածության, անեմիայի, դեպրեսիայի դեպքում։ Արմավը մեծ քանակով կալցիում, երկաթ, կալիում, մագնիում, պղինձ, ցինկ, ֆոսֆոր, նատրիում, ալյումին, բոր, A, P, C, B1, B2, B6 վիտամիններ, բետա-կարոտին է պարունակում։ Վատ տրամադրությունը, քրոնիկ հոգնածությունը կարող են վկայել հենց այս սննդարար նյութերի անբավարար մակարդակի մասին։ Ծիրանի չիր ։ Լայնացնում, մաքրում է արյունատար անոթները։ Ծիրանի չիրը հարուստ է մագնիումով, ինչի արդյունքում ազատում է արյունատար անոթների սպազմից, լավացնում արյան շրջանառությունը։ Վերականգնվում է ուղեղի սնուցումը, լավացնում հիշողությունը։ Ծիրանի չիրն օգտակար է հատկապես հղի կանանց, ազատում է սթրեսից, բարձրացնում արյան մեջ հեմոգլոբինի մակարդակը։ Այն հարուստ է C, B15, A վիտամիններով, երկաթով, ֆոսֆորով, օրգանական թթուներով։ Սև սալորը մեծ քանակով բջջանյութ, օրգանական թթուներ, միկրոէլեմենտներ՝ նատրիում, կալիում, կալցիում, ֆոսֆոր, երկաթ է պարունակում, ինչի շնորհիվ լավացնում է նյութափոխանակությունը, օգնում կարգավորել ճնշումը։ Չորացրած հոնը միզամուղ հատկություն ունի։ Այն օգտակար է դիաբետի, հոդատապի, ռևմատիզմի, սակավարյունության, նյութափոխանակության խանգարման դեպքում։ Այն հարուստ է օրգանական թթուներով, C, P, A վիտամիներով, կալիումով, կալցիումով, մագնիումով, ծծումբով։ Թզի չիրն օգտակար է չոր հազի դեպքում, արյան մեջ բարձրացնում է երկաթի մակարդակը։ Բացի այդ՝ թուզը կալիում, կալցիում, ֆոսֆոր, յոդ, բրոմ, A, C, B1, B2 վիտամիններ է պարունակում։ Այն միզամուղ հատկություն ունի, օգտակար է սիրտ-անոթային հիվանդությունների դեպքում։ Չամիչն արդյունավետ միջոց է գրգռվածության դեմ, այն հանգստացնող ազդեցություն ունի։ Գիրանալու հակում ունեցող մարդիկ պետք է զգուշանան դրա օգտագործումից, քանի որ խաղողը մեծ քանակով շաքար է պարունակում։ Կալիումի պարունակության շնորհիվ չամիչը նպաստում է հյուսվածքների վերականգնմանը, ամրացնում սիրտ-անոթային համակարգը։ Բացի այդ՝ չամիչը հարուստ է B1, B2, B5 վիտամիններով, երկաթով, մագնիումով, այլ միկրոէլեմենտներով։ Նպաստում է սրտի, աղեստամոքսային տրակտի, երիկամների աշխատանքին, պաշտպանում անեմիայից, թուլությունից։ Նյութի աղբյուր՝ hospitals.am