59 views

Մալդիվներում գրանցվում են ամենաշատ ամուսնալուծություններն աշխարհում, իսկ Շեյշելներում ամենամեծ թվով բանտարկյալներն են։ Բրիտանական The Telegraph պարբերականը բացահայտել է դրախտային կղզիների սարսափելի գաղտնիքները։ Այսպիսով, Մալդիվներ։ Չնայած նրան, որ հանգիստը այս կղզիներում ամենապոպուլյարն է նորապսակների շրջանում, ՄԱԿ-ի տվյալներով՝ այս կղզային ազգի մոտ «ամուսնալուծությունների գործակիցը» հազար բնակչի հաշվով կազմում է 10,97՝ տարեկան։ Համեմատության համար նշենք, որ Մեծ Բրիտանիայում 1 000 մարդու հաշվով 2 ամուսնալուծություն է կատարվում, Ռուսաստանում՝ շուրջ 5։ Այդ ցուցանիշով Մալդիվները նույնիսկ ընդգրկված է Գինեսի ռեկորդների գրքում։ Սեյշելներում խնդիրն այլ է։ 2014 թվականի տվյալներով՝ 100 000 բնակչից ազատազրկման ցուցանիշը 799 է, ինչը շատ է՝ ցանկացած այլ պետության համեմատ։ Այդ թվում՝ ԱՄՆ-ի, որը այդ ցուցանիշով աշխարհում երկրորդ տեղում է։ Իր գաղտնիքներն ունի նաև Մադագասկարը։ Ժամանակին այն ապաստան է եղել հարյուրավոր ծովահենների համար։ Բացի այդ, XIX դարի երկրորդ կեսին պետության իշխանությունը պատկանել է Ռանավալոնե թագուհուն։ Նա այնքան դաժան ու խենթ է եղել, որ նրա կառավարման շրջանում բնակչության թիվը 5 միլիոնից հասել է 2,5-ի։ Բալին ևս հրաշալի վայր է։ Բայց քչերը գիտեն, որ այստեղ մինչ օրս գործում է մահապատիժ հրազենային կրակոցի միջոցով։ Առավել հաճախ այն կիրառվում է թմրավաճառների հանդեպ։ Վիրջինյան կղզիները՝ իրենց սպիտակ ավազուտ ափերով և սուպերզբոսանավերի նավահանգստով, ունեն ամենաբարձր ցուցանիշը սպանությունների մակարդակով ամբողջ աշխարհում։ 100 000 բնակչի հաշվարկով՝ 52,65 սպանություն։ Խաղաղ օվկիանոսի հարավային մասում գտնվող Սամոա կղզային պետությունը գլխավորում է այն երկրների ցանկը, որոնց բնակիչները տառապում են ճարպակալմամբ։ Բիկինի ատոլը կարող էր համարվել իսկական դրախտ, եթե այդքան վտանգավոր չլիներ շնաձկների հսկայական քանակության պատճառով։ Բացի այդ, 1946-1958 թվականներին այստեղ իրականացվել են միջուկային փորձարկումներ։ Վանուատու կղզին համարվում է ամենավտանգավոր վայրն աշխարհում, երբ խոսքը վերաբերում է բնական աղետներին։ Այստեղ երկրաշարժի, փոթորկի, ջրհեղեղի, երաշտի և հսկա ալիքների ամենամեծ ռիսկն է։ Բացի այդ, կղզում ХХ դարում դեռևս ապրում էին լեգենդար հաննիբալները։ Նյութի աղբյուրը՝ travelnews.am