65 views

Ախիլիան ավելի հաճախ հանդիպում է քրոնիկ գաստրիտի ատրոֆիկ ձևերի, պոլիպոզի, ստամոքսի չարորակ նորագոյացությունների ժամանակ: Ստամոքսահյութի արտադրության իջեցում դիտվում է նաև սննդի ռեժիմի խախտումների, սննդում սպիտակուցի, վիտամինների պակասի, ինֆեկցիոն հիվանդությունների, ջրազրկման, էնդոկրին որոշ խանգարումների (հիպոթիրեոզ), դեղորայքային պրեպարատների, թափառող ներվի տոնուսի անկման պարագաներում: Նմանօրինակ խաթարման ախտածնության մեջ մեծ նշանակություն է տրվում ԿՆՀ-ի ֆունկցիոնալ խանգարումներին: Հիպոսեկրեցիան ուղեկցվում է թթվայնության և հյութի մարսողական ունակության իջեցումով: Արդյունքում լինում են սննդախյուսի տեղափոխման արագացում, փորլուծություն: Աղաթթվի և պեպսինի բացակայության պայմաններում դյուրինանում է վարակի մուտքն աղիներ, զարգանում է դիսբակտերիոզ, ինֆեկցիոն-տոքսիկ ախտահարման պատկեր: Ախիլիան հաճախ ուղեկցվում է նիհարումով, օրգանիզմի դիմադրողականության նվազումով, B12, երկաթ դեֆիցիտային սակավարյունությամբ: Բուսամիջոցներ ստամոքսի ախիլիաի դեպքում Բոգ դեղնավուն- Горечавка жёлтая- 0.5 թեյի գդալ փոշիացրած բուսահումքի վրա լցնել 400 գ. եռացրած և սառեցրած ջուր: Թրմել 2 ժամ, քամել: Խմել մեկ օրվա ընթացքում: Բոգ դեղնավուն-փոշիացրած արմատը դանակի ծայրով ընդունել ուտելուց կես ժամ առաջ`օրական 3 անգամ: Ջրառվույտ-2 թեյի գդալ փոշիացրած տերևների վրա լցնել 2 բաժակ եռացրած և սառեցրած ջուր, թրմել 8 ժամ: Քամել, խմել մեկ օրվա ընթացքում: Ջրառվույտի փոշիացրած բուսահումքը կարելի է օգտագործել` օրական 2գ. փոշիացրած բուսահումք ուտել ճաշի կամ ջրի հետ: Ջրառվույտ -Բուժական նպատակներով օգտագործում են ջրառվույտ (լատ.՝ Folium Menyanthidis ) տերևները։ Տերևները հավաքում են բույսի ծաղկելուց հետո, չորացնում են 45-60 °C ջերմաստիճանում : Բույսի տերևները պարունակում են ֆլավոնիոիդներ, գլիկոզիդներ, մենիանտին, վիտամին С, ասկորբինաթթու, ճարպայուղ, ալկոհոլիդներ։Դեղաբույս է. պարունակում է ալկալոիդներ, ֆլավոնիդներ, ճարպեր, ներկանյութ և այլն։ Պատրաստուկներն օգտագործում են որպես լեղամուղ, ախորժաբեր, հակադողէրոցքային միջոց։ Ունի մանրէասպան հատկություն։ Տերեփուկ կապույտ- 1-2 րեյի գդալ փոշիացրած բուսահումքի վրա լցնել 2 բաժակ եռացրած ջուր, թրմել 10 րոպե, քամել:Խմել մեկ օրվա ընթացքում: Կարելի է 1-2գ փոշիացրած բուսահումք ընդունել ուտելուց կես ժամ առաջ `օրական 3 անգամ: Ô±ÕºÖ€Õ¥Ö" Õ¡Õ¼Õ¸Õ²Õ»... պատրաստեց`Ա.Հարությունյան