5 բնական միջոց մաշկը ձգելու և կրկնակզակից ազատվելու համար
Ժամանակի ընթացքում մարդու մարմինը փոփոխություններ է կրում, կորցնում է կոլագենն ու հիդրատացիան, ինչի հետևանքով էլ մաշկը թուլանում է և առաջանում են կնճիռներ: Հատկապես շատ են տուժում դեմքի, պարանոցի և ձեռքերի մաշկը, ինչի հետևանքով շատերն անգամ բախվում են կրկնակզակի խնդրին:
Ձեր ուշադրությանն ենք ներկայացնում 5 բնական միջոց մաշկը ձգելու և կրկնակզակից ազատվելու համար
1. Ձիթայուղով ու գերչակի յուղով մերսում
Այս յուղերը հարուստ են ճարպաթթուներով, ինչի շնորհիվ սնուցում ու խոնավեցնում են մաշկը, առաձգականություն են հաղորդում և վերականգնում են բջիջները:
Պարզապես հարկավոր է մեկական գդալ ձիթայուղով ու գերչակի յուղով մի քանի րոպե մերսել մաշկը, այնուհետև դնել տաք ջրի մեջ թրջած սրբիչ և թողնել 5 րոպե: Տաք գոլորշին կօգնի լայնացնել ծակոտիները և էլ ավելի լավ սնուցել ու խոնավեցնել մաշկը:
2. Հակաօքսիդանտային դիմակ խաղողով ու ավոկադոյով
Այս մրգերի համադրությունը մաշկը խնամելու հիանալի տարբերակ է: Դրանք ոչ միայն խոնավեցնում, այլև սնուցում են մաշկն ու առաձգականություն են հաղորդում:
Հարկավոր է 1 ճաշի գդալ ավոկադոյի պտղամսին ավելացնել 5-7 հատիկ խաղող (կախված չափից), դարձնել համասեռ զանգված, այնուհետև քսել այն մաշկին: Թողնել դիմակը 20 րոպե, այնուհետև լվացվել:
3. Կաթով, վարսակով ու մասուրի յուղով քսուք
Այս բաղադրիչների համադրությունը հիանալի միջոց է մաշկը ձգելու համար: Դրանք նույնպես սնուցում ու խոնավեցնում են մաշկը, ինչպես նաև բարելավում են արտաքին տեսքը:
Հարկավոր է խառնել 3 ճաշի գդալ գոլ կաթը, 2 թեյի գդալ մասուրի յուղն ու 4 ճաշի գդալ վարսակի փաթիլները, այնուհետև այդ թանձր զանգվածը քսել մաշկին, թողնել 20 րոպե և լվանալ սառը ջրով:
4. Բավարար քանակությամբ ջուր
Օրգանիզմում կուտակված տոքսինները բացասաբար են ազդում նաև մաշկի վրա, ուստի դրանցից ազատվելը կօգնի բարելավել մաշկի վիճակը: Այս դեպքում ցանկալի արդյունքին հասնելու համար պարզապես հարկավոր է օրվա ընթացքում բավարար քանակությամբ ջուր խմել: Օրական 1.5-2 լիտր գոլ ջուրը կօգնի դուրս բերել տոքսիններն օրգանիզմից և կապահովի անհրաժեշտ խոնավությունը:
5. Մրգեր ու բնական հյութեր
մաշկի առողջության ու առաձգականության պահպանման համար շատ կարևոր է նաև սննդակարգում հակաօքսիդանտների, բետա-կարոտինի և անհրաժեշտ վիտամինների առկայությունը, ուստի հարկավոր է սննդակարգում թարմ մրգեր ու բնական հյութեր ներառել:
Նյութի աղբյուրը՝ budetezdorovy.ru